WILLIE REVILLAME BINALAAN ANG KANYANG ‘WOWOWIN’ SUPPORTERS SA MGA SCAMMER

NAGBIGAY ng babala si Willie Revillame sa mga nanonood ng “Wowowin”.

Ayon sa kanya, may scam na umiikot sa social media at ginagamit ang programa niyang Wo­wowin.

“Huwag po kayong maniniwala kapag may tumawag sa inyo na kayo ay nanalo ng malaking halaga sa ‘Wowowin.’ Wala po kaming games na pinara-raffle. Ang lahat po ng games namin ay rito mismo sa GMA7 nagaganap. May tatawag sa inyo at magpapakilala sa inyo na siya ay attorney at sasabihing kayo ay nanalo at pumunta kayo sa GMA7 para i-claim ang  premyo sa ‘Wowowin,’ wala pong katotohanan ‘yan. Scam po ‘yan,” bigay babala ni Kuya Wil sa “Wowowin” supporters.

Samantala, ibinalita rin ni Kuya Wil na magre-remote ang kanyang programa sa mga darating na buwan sa international coun-tries.

Naimbitahan daw sila sa Dubai para roon magtanghal sa June.

Tutungo rin daw sila sa Canada at Amerika.

Ani Kuya Wil: “Magdadala ako ng susi ng bahay.” Ibig sabihin mamimigay ng house and lot si Kuya Wil sa mga Filipinong nagtatrabaho sa ibang bansa.

ANGEL LOCSIN GAME MAKATRABAHO SI NADINE LUSTRE

NAG-REPLY si Angel Locsin sa pag-amin ni Nadine Lustre na gusto niyang makasama ang The General’s Daughter sa isang action movie.

Nainterbyu ni Karen Davila si Nadine ka­makailan at natanong kung sino ang gusto niyang makatrabaho in the future.

Mabilis na sumagot si Nadine na gusto niyang makatrabaho sa isang action film si Angel Locsin.

Agad na nakarating ang sinabi ni Nadine. Nag-twit si Angel kay Nadine, ‘thanks Nadine! GAAAAAME! Congratulations in advance sa Ulan! Exciting!”

Sa tinuran ni Angel, marami ang may gustong matuloy ang Angel-Nadine movie.

Komento ng netizens, “Sobrang perfect nilang dalawa sa action movie sana mangyari.”

“Glad to see women lifting each others up!” Pero kailangan pa rin daw ni Nadine na mag-workshop kung magsasama sila ni Angel sa isang action movie.

Ang iba naman ay ganito ang sinasabi, “Baka instead na fans ma-gain niya, bashers pa. Especially fighting scenes. Bagay sa ka-nilang dalawa ang action kaya lang ‘di makakasabay sa acting si Nadine.”

May nagsabi ring kung makatutulong naman sa industriya ang Angel-Nadine tandem bakit daw naman ito idi-discourage lalo pa’t kung susuportahan naman daw ng Star Cinema at Viva?

“Kung si Angel mismo, natuwa at nag pasalamat sa sinabi ni Nadine, sino naman kayo to discourage her? Lahat ‘yan napag-aaralan, may workshops, lalo na sa mga fight scene.”

Tama nga naman.