WILLIE REVILLAME NAGBABALA SA AUDIENCE LABAN SA MGA SCAMMER

NAKARATING na kay Willie Revillame ang ginagawang raket sa kanyang programang Wowowin, kaya agad na binalaan ng host ang kanyang mga audience na mag-ingat sa mga scammer na ginagamit ang kanyang programa para maka-panloko.

Sa kanyang programa last November 5 ay pinagsabihan ni Willie Boy ang mga nasa studio na mag-ingat sa mga taong naniningil ng bayad para makapasok at makapanood sa studio.

Pagdidiin ni Willie Boy na walang bayad ang gustong manood ng kanyang programa.

“’Wag na kayo makikinig sa labas. Wala pong bayad ang manood dito. Walang bayad. ‘Wag kayong magpapaloko sa labas. Kung mayroon man kayong binibigyan ng pera, hindi po ‘yan pananagutan ng GMA at Wowowin.

“Dito ho libre ang maglaro at libre ang manood. Basta magpa-book lang kayo. ‘Pag may humingi ng pera sa inyo sa labas o ano man, niloloko lang kayo.”

Para maging malinaw sa lahat ng tagasubaybay ng show ay ipinakita sa TV screen ang tamang paraan para makapasok at makapanood ng kanyang show sa studio.

“Para maging studio audience sa Wowowin, mag-email sa wowo[email protected] o kaya tumawag sa (02) 710-35-27 every Monday, Wednesday at Friday, mula 2pm to 5pm at hanapin si Martin Tamba.

Sinabi pa ni Willie na walang katotohanan ang mga kumakalat sa social media at pati na rin sa text na nagsasabi na nanalo sila sa Wowowin.

Pagdidiin pa ni Willie na mananalo lang kayo sa mga game ng show sa loob mismo lang ng studio ng GMA 7.

“Saka ho ‘yung mga ina-announce sa Facebook, Instagram, lahat ng ‘yan, Twitter na nanalo kayo ng ganito. Hindi po totoo ‘yan. Wala. Lahat ng panalo, dito mangyayari sa loob ng studio ng GMA at Wowowin. Marami pong salamat.”

ERWAN HEUSSAFF HANDA NANG MAGPUYAT PAGLABAS NG BABY NILA NI ANNE

SA second wedding anniversary nina Anne Curtis at Erwan Heussaff last November 12 ay mababasa sa caption ng mestisang actress nang ihayag nga niya na siya ay buntis sa kanyang Instagram account na, “Another reason to love November.”

Hindi naman nagpahuli si Erwan na nag-post sa kanyang IG account na handa na siyang magpuyat sa paglabas ng kanilang first baby ni Anne.

Marami ang naaliw at natawa sa ginawang post ni Erwan bilang pagbati sa kanilang 2nd anniversary ni Anne na sana raw maging kamukha ni Anne ang kanilang anak, pero ang boses daw ay mamana sa kanya.

“Celebrating 2 years of marriage with this beautiful lady today. I never thought that hundreds of days could feel like a blink. This will be the last time we spend it alone, before we are overwhelmed by the love for our child. Sleepless nights and long-er days, I`m ready for all of it. With a tough woman like you, we have nothing to worry about it. I hope our kid has your looks, but my voice. Jet`aime mon amour.”

Samantala, may request naman ang mister ni Solenn Heussaff na si Nico Bolzico na sana raw ay maging baby boy ang first baby nina Anne at Erwan.

“Please have a boy so he can take care of our baby girl when they go out!” say ni Nico.