WINWYN MARQUEZ INISNAB ANG MISS UNIVERSE PHILS

DAHIL sumasali uli ang mga da­ting talunan sa beauty contest ay  marami ang humihimok  kay Winwyn Marquez na sumubok naman sumali sa Miss Universe Philippines kahit na tinanghal na siyang winner sa sinalihang beauty contest.

Pero  na-disappoint  ang supporters ng beauty queen/actress  dahil  hanggang sa matapos  ang  deadline ng submission ng application ay  walang  Winwyn  na nagpunta para mag-submit ng application .

Ayaw tanggapin  ng followers ni Winwyn  na may kontrata pa siya sa GMA 7 na dapat niyang pahalagahan at sundin. Dahil dito ay may mga supporter siyang nagalit  at nag-comment pa na dahilan lang raw ng beauty queen/actress ang kontrata niya sa Kapuso Network kaya  tigilan na at huwag nang kulitin pa.

Sinagot naman ito ni Winwyn na,“I`m sure you know naman the meaning of the word contract, right?”

Pero mayroon pa ring umaasa na sa last day ng submission ng application ay darating si Winwyn, pero mu­ling nadismaya ang kanyang supporters kaya nagalit nang tuluyan ang mga ito.

Katuwiran pa ng supporters ni Winwyn, bakit daw ang mga da­ting beauty queen na may kontrata rin sa GMA 7 ay sumali sa Miss World Philippines? Bakit daw siya ay hindi magawang sumali?

Ang ibig lang daw sabihin ay talagang ayaw nang sumabak uli sa beauty contest si Winwyn  kaya tigilan na raw ito.

MISS U CATRIONA GRAY ‘DI NA CONSCIOUS KAHIT WALANG MAKEUP

MADALAS kapag nakikita in public  si 2019 Miss Universe Catriona Gray ay all glammed  up  ito dahil  sa pagi­ging  beauty queen at dapat lang naman kapag  ikaw  ay isang beauty queen at winner pa ay kailangan laging  nakaayos at naka-makeup.

Pero ngayon ay walang takot na ipinamalas ni Catriona ang tunay niyang kagandahan nang walang makeup o filter.

“Because my feed has been looking quite “made up” lately with all my posting from my events this month, here`s a no filter, sleepy, messy-haired selfie with pores, eyebags and all, just  to  remind  you  that  the skin you wake up in nights need not be “flawless” but it houses a beautiful soul and that`s  you!” caption ni Catriona sa kanyang  upload  sa IG.

Pero kahit na walang makeup si Catriona ay hindi pa rin nagbago ang kagandahan  at mas lalo pa nga itong  gumanda dahil lumabas ang tunay na ganda ng isang beauty queen.

Sa katunayan ay mas mataas pa ang likes sa kanyang simpleng larawan kumpara sa kanyang ipinost na kung saan siya naka-swimsuit.

Kaya hindi nakapagtataka na sangkatutak ang naghahangad na makasama  sa isang pelikula si Catriona (oras na pa­sukin nito ang showbiz). At mapalad ang actor na magkakaroon ng pagkakataon na makahalikan  ang  isang  Catriona Gray sa pelikula.