Milyun-milyon ang apektado ng diabetes sa mundo. Marami sa kanila ay nakararanas ng distress o pagkabalisa dahil sa kanilang kundisyon. Ang iba naman ay nangangambang magkaroon ng kumplikasyon, at nahihirapang maging masaya dahil sa kanilang sakit.
Sa bansa, tinatayang higit 4 milyong Pilipino ang may diabetes at maaaring umabot pa sa 7.5 milyon sa taong 2045. Ilan sa pwedeng maging kumplikasyon ng sakit ay pagkabulag, kidney failure, at amputation ng ilang bahagi ng katawan. Sino nga ba ang hindi mangangamba kapag dinapuan ng diabetes?
Pero worry no more! Kaya nating agapan o i-manage ‘yan. Una, kailangan nating masiguro ang ating malakas na kalusugan. Sa pamamagitan ng PhilHealth Konsultasyong Sulit at Tama o Konsulta, sagot ng PhilHealth ang laboratory test tulad ng fasting blood sugar para ma-monitor ang sugar level sa ating dugo. Mabisang preventive measure ito kung tutuusin. Magkakaroon tayo ng sapat na kaalaman sa ating kalusugan.
Sagot din ng Konsulta ang libreng medical consultations sa duktor. Mainam din ito para bantayan ang iba pang sintomas ng diabetes gaya ng palaging pagkagutom at pagkauhaw, madalas na pag-ihi lalo na sa gabi, pagbaba ng timbang, at iba pa. Siyempre, sino pa ba ang makapagbibigay sa atin ng kaalamang pangkalusugan kung ‘di ang mga eksperto?
Sa panghuli, libreng makakakuha ng mga anti-diabetic na gamot tulad ng metformin at gliclazide sa mga Konsulta facilities. Sagot ng PhilHealth ang maintenance ninyo!
Makagagamit ng benepisyong aabot sa P20,540 ang mga pasyenteng mako-confine dahil sa diabetes, depende sa kanilang kundisyon. Mas mataas ito ng 30% dahil sa adjustments na inilunsad ng PhilHealth para sa lahat ng All Case Rate packages nito noong Pebrero 1, 2024.
Pangako ni PhilHealth President and CEO Emmanuel R. Ledesma, Jr. na lalo pang pagbubutihin ng Korporasyon ang mga benepisyo nito para sa mga Pilipino. Aniya, “Huwag matakot magpagamot dahil sagot kayo ng PhilHealth!”
ANUNSYO
Dahil maaaring mauwi sa kidney failure ang diabetes, nangangailangan ng hemodialysis ang mga pasyente. Alam niyo ba, simula October 9, 2024 ay P6,000/session na ang benefit package para sa hemodialysis? Ito ay magagamit ng mga pasyenteng may Chronic Kidney Disease Stage 5 (CKD5) sa mga PhilHealth-accredited facilities sa bansa.
Sa kabuuan ay aabot sa P1 milyon ang pwedeng magamit ng CKD5 patients sa pagda-dialysis taun-taon!
BALITANG REHIYON
Ang PhilHealth Region XII ay nagsagawa ng PhilHealth Konsulta Caravan at orientation tungkol sa mga benepisyo, First Patient Encounter, at Konsultasyon para sa mga kawani ng Bureau of Jail Management and Penology, Ito ay ginanap sa KCC Mall ng Marbel Convention Center, City of Koronadal
Related posts:
Pagbabayad ng claims sa mga ospital; at umento sa sweldo ayon sa mga regulasyon.
Benepisyo para sa Caesarean Section na panganganak; saan pwedeng manganak kung lagpas 35-anyos na si Nanay.
Na-confine muli para sa parehong sakit, magagamit pa ba ang benepisyong PhilHealth? Benepisyo, madaling malaman sa PhilHealth case rates app
Ligtas pa ba ang impormasyon ko sa PhilHealth? Kung naka-down ang system ng PhilHealth, makagagamit pa rin ba ko ng benepisyo?
Kailan maibabalik sa normal ang operasyon ng PhilHealth? Mensahe ng pasasalamat sa PhilHealth mula sa isang dialysis patient
Outpatient Mental Health Benefit Package
Benepisyong PhilHealth para sa Chronic Kidney Disease Stage 5, Alamin at Gamitin!
Konsultasyong Sulit at Tama, benepisyong primary care benefits para sa lahat ng Filipino!