WRIGHT GUSTO NANG MAGPA-TRADE

NAG-IBA na naman ang ihip ng hangin kay Fil-Canadian player Matthew Wright.

Gusto na nitong magpa-trade sa ibang team. Kung ma-trade ito ay gusto umano niya sa kampo ng Barangay Ginebra. Ano ba ang problema ni Matthew Wright? Insecure ba siya sa mga teammate niya sa Phoenix Super LPG Fuel Masters? O ayaw niya sa kanyang coach na si Topex Robinson?

Noong una ay nagkaroon sila ng problema ni coach Louie Alas, na isa sa mga dahilan kung bakit tinanggal ang huli. May kumakalat naman ngayong balita na ayaw niya sa iba niyang mga kasama sa koponan.

Dapat bago mag-inarte ay tulungan muna ni Wright ang Phoenix na makapasok man lamang sa finals para patunayan niyang kaya niyang magdala ng isang team.



Hanggang ngayon pala ay wala pang kontrata si Arvin Tolentino sa kampo ng Brgy. Ginebra. Last year ay isang taon lang ang pinirmahan niyang kontrata sa team. Napaso na ang kanyang kontrata, pero wala pang ibinibigay na offer sheet sa player.

Ang Meralco Bolts naman ay nagkaka-interest na kunin ang player. Alam ng lahat na maganda ang ipinakita ni Tolentino noong nakaraang PBA bubble game kung saan isa siya sa mga dahilan kung kaya nag-champion ang tropa ni coach Tim Cone.

Pero ano ang nangyari at mukhang ang dating FEU player ang bibitiwan ng Gin Kings dahil sobra ng isang manlalaro ang koponan.

Samantala, excited na ang player na maging tatay kung saan buntis sa kasalukuyan ang kanyang esmie na si Brandy Kramer, bunsong kapatid ini ex-PBA player Doug Kramer. Last July 2020 ikinasal sina Arvin at Brandy. Ilang buwan na lang ang hihintayin nila at lalabas na ang kanilang anak Congrats.



Kung ang mga PBA player ay inip na inip nang magsimulang maglaro, lalo na ang mga PBA fan. Sa TV na lang nga daw nila inaabangan ang mga laro ng kanilang paboritong teams, ang tagal pang magsimula. Malamang sa malamang ay isang conference na lang ang magaganap sa 46th season ng PBA kapag hindi pa ito nagsimula next month.

2 thoughts on “WRIGHT GUSTO NANG MAGPA-TRADE”