YEN SANTOS SIYA NA BA ANG 3RD WHEEL?

MARAMI ang naawa at nakisimpatya kay LJ Reyes matapos mapanood ang panayam sa kanya ni Boy Abunda sa kanyang YouTube channel. Feel na feel ng marami ang hirap ng pinagdaraanan ngayon ni LJ at very obvious na hangga’t maaari ay ayaw pa rin niyang tuluyang sirain ang imahe ng dating ka-partner sa paningin ng kanyang mga anak at sa kanyang mga tagahanga.

Matapos kumpirmahin ni LJ na hiwalay na sila ni Paolo Contis, wala siyang ibinigay na konkretong dahilan ng kanilang breakup. Isa sa tumatak sa amin na sinabi ni LJ ay higit-kumulang walong buwan niyang inilihim na may problema ang relasyon nila ni Paolo.

Kasunod ng naging pahayag ng aktres ang paglabas ng isang video sa social media na pinagpipiyestahan na ngayon kung saan makikita si Paolo na may kasamang babae. At base sa komento ng mga nakakita rito, mukha raw si Yen Santos ang girl dahil magkasing-haba ang kanilang hair at magkasing-katawan. Naglalakad ang dalawa sa isang kalye habang nakahawak ang babae sa braso ng aktor. Hindi kita ang mukha ng girl dahil medyo nakatagilid ang kuha ng larawan.

May iba pang larawang lumabas si Paolo kasama ang nasabing babae habang nasa isang coffee shop sa Baguio bago pa kumalat ang video na papunta sila sa Manaoag church. Samu’t sari ang reaksyon ng netizens  na kesyo baka dumaan muna sila sa simbahan bago umakyat o bumaba ng Baguio. Napanood namin ang nasabing video at muntik na kaming maniwalang sina Paolo at Yen nga ang nasa viral video dahil malaki ang pagkakahawig nila. Pero nanindigan ang veteran columnist na si Tita Cristy Fermin na hindi sila ‘yon dahil kilalang-kilala raw niya kung paano gumalaw at maglakad ang dalawa.

Nag-aabang ang lahat ngayon sa sagot ni Paolo sa mga naging rebelasyon ni LJ hinggil sa kanilang hiwalayan at sa nasabing viral video. Maraming mga kaibigang concerned kay LJ na nagkuwento at nagpadala ng mga larawan nila ng nasabing girl pero ang sagot daw nito lagi sa kanya ay, “Paano ako makikilala, e, naka-face mask at face shield ako?”

Ayaw na raw ni LJ na makipagbalikan kay Paolo lalo’t nauna namang nagsabi ang aktor na ayaw na rin nitong magsama sila ulit.– LOURDES FABIAN

Related posts:

ALDEN IN-IMAGINE NA KA-HOLDING HANDS SI LISA NG BLACKPINK GROUP YEN SANTOS NASAKTAN SA BINTANG NA 3RD WHEEL SA HIWALAYANG LJ AT PAOLO PAOLO CONTIS WALANG PAMBILI NG GATAS SA ANAK NI YEN SANTOS – LOLIT SOLIS JUDY ANN SANTOS UMIKOT ANG ULO SA SAMPAL NI MARICEL SORIANO AMA NI CATRIONA GRAY SA AUSTRALIA LIGTAS NA