NANAWAGAN ang Malakanyang sa pribadong sektor na huwag ibawas sa leave credit ang 14-day quarantine ng mga manggagawa na pinaghihinalaang tinamaan ng coronavirus disease 2019 o COVID-19.
Ayon kay Cabinet secretary Karlo Alexi Nograles, hindi naman gusto ng mga empleyado na tamaan ng COVID-19 at hindi magtrabaho sa loob ng dalawang linggo.
Nauna nang nagpalabas ang Civil Service Commission (CSC) ng memorandum circular number 5 series of 2020 na hindi ikakaltas sa leave credit ang 14-day quarantine period sa public sector officials at employees na nagpakita ng sintomas ng nasabing sakit.
“In this light, we thank the Civil Service Commission for clarifying through Memorandum Circular No. 5 series of 2020 issued last February 20, that the absence of public sector officials and employees during the 14 calendar days prescribed for self-quarantine, including those who were diagnosed with COVID-19 during the said period shall not be deducted from earned leave credits. We appeal to the private sector to consider extending the same benefit to their employees,” wika ni Nograles.
Sa datos ng Department of Health (DOH), pumalo na sa mahigit 100 ang bilang ng patients under investigation (PUIs) na naka-confine sa mga ospital at 474 PUIs naman ang na-discharge na at negatibo sa COVID-19. PILIPINO Mirror Reportorial Team
Related posts:
(Suportado ng DOT) PINAIKLING QUARANTINE SA BAKUNADONG TRAVELERS
(Noong Setyembre sa gitna ng mahigpit na quarantine restrictions) 4.25M PINOY JOBLESS
(Sa gitna ng bagong COVID-19 quarantine guidelines) 817K OFWs NAKAUWI NA
(Dahil sa quarantine breach) BERJAYA HOTEL SINUSPINDE
PATULOY NA PAGTAAS NG KASO NG COVID-19 KAILANGANG TUTUKAN
QUARANTINE AT TAMANG ISOLATION KAILANGANG PAIGTINGIN; COVID 19 RUMAGASA NA
(Matapos ang pinaikling quarantine) 93 PGH HEALTH WORKERS BALIK-TRABAHO
(Tinutulan ng gov’t officials) 7-ARAW NA QUARANTINE SA TRAVELERS