NUEVA ECIJA – DEAD on arrival sa MV Gallego Hospital sa Cabanatuan City si General Tinio, dating bayan ng Papaya, sa Nueva Ecija makaraang pagbabarilin ng lalaki kahapon.
Naganap ang pamamaril kay Ferdinand Padolina Bote, 57-anyos, alas- 4:30 ng hapon sa harap ng NIA Office sa Maharlika Highway, Brgy. Imelda, Cabanatuan City.
Batay sa video footage, papalabas na ng compound ng NIA ang sinasakyang Toyota Fortuner na kulay beige ni Bote kung saan ito ay nakaupo katabi ng driver at nakitang may tumawid na isang motorsiklo lulan ang dalawang naka-jacket ng itim.
Dahil papatawid ang motorsiklo ay huminto ang sasakyan ng alkalde na sinamantala ng umano’y hired killer at bumaba sa motorsiklo at malapitang pinagbabaril ang alkalde.
Batay pa rin sa video footage umandar pa ang sasakyan ng biktima at lumiko pakaliwa habang tumakas ang mga suspek patungong silangang direksiyon.
Sinabi nina SPO2 Ronnel Balundo at SPO1 Erwin Gonzales, wala nang buhay si Bote nang makarating sa ospital.
Tiniyak naman ni PNP Public Information Office Chief, Sr. Supt. Benigno Durana Jr., batay sa video footage, marami nang lead na makukuha ang imbestigasyon at tiniyak na tutukuyin ang utak ng pamamaslang at motibo nito. EUNICE C.
Related posts:
MATES PATROLLER INAMBUS
TRADER KRITIKAL SA AMBUSH, LIVE IN PARTNER NADALE
(Tauhan minalas, 3 pa sugatan) PNP REGIONAL DIRECTOR DINALE NG NPA
HUSTISYA SIGAW SA INAMBUS NA ALKALDE
PNP PATROL CAR INAMBUSH, HEPE AT TAUHAN LIGTAS
8 INAMBUS MALAPIT SA UNIBERSIDAD
(Kasamang doctor nadale rin) KALIHIM NG SANGGUNIAN PATAY SA PANANAMBANG
(Misis at anak sugatan) EX-DEU CHIEF DEDO SA AMBUSH
Comments are closed.