MAGUINDANAO – DALAWA katao na nagpakilalang mga fontliner ang inaresto ng mga operatiba ng pulisya makaraang makumpiskahan ng ilang gramo ng shabu sa inilatag na checkpoint sa bahagi ng Barangay Adaon sa bayan ng Datu Anggal Midtimbang ng lalawigang ito.
Sa police report na nakarating kay Police Major Michael Tinio, hepe ng Datu Anggal Midtimbang Municipal Police Station, kinilala ang mga suspek na sina Hassan Adhin Datumanong, 34-anyos; at Mohaimin Perez Ali, 32-anyos, kapwa residente sa Brgy. Poblacion 2 sa bayan ng Parang.
Ayon sa ulat, ang mga suspek ay sakay ng ambulansiya na may plakang SGX 763 mula sa Brgy. Poblacion Talitay nang sitahin sa checkpoint nitong Linggo sa Barangay Adaon ng bayan ng Datu Anggal Midtimbang.
Ang ginawang pagsita ay dahil sa may itinapong plastic sachet ang isa sa mga suspek sa gilid ng kalsada habang nagsasagawa ng checkpoint ang pulisya.
Agad na naghinala ang mga pulis sa itinapong pakete at nang tingnan ito ay nakitang mayroong lamang shabu na may bigat na dalawang gramo.
Sa kasalukuyan ay nasa kustodiya ng Datu Anggal Midtimbang MPS ang dalawa at isinasailalim sa tactical interrogation. MHAR BASCO
Related posts:
RE-ELECTED BRGY. CHAIRMAN DINAKIP SA SHABU
4 HULI SA P3.5-M SHABU
KELOT ARESTADO DAHIL SA GRANADA AT SHABU
GINANG NA NAG-VIRAL SA SOCMED TIMBOG SA BUY BUST
P7-M HALAGA NG SHABU NAKUMPISKA SA BUY BUST
TAIWANESE TIMBOG SA BUY BUST, HIGIT P20-M SHABU NAKUMPISKA
14 SACHET NG SHABU NAREKOBER SA 2 DRUG PERSONALITIES
P6-MILLION SHABU NASAMSAM SA DRUG OPS
Comments are closed.