BATAAN – ARESTADO ang dalawa katao na pawang mga most wanted person na kinabibilangan ng isang lalaki at babae sa magkahiwalay na lugar sa Barangay Tuyo, Balanga City at Barangay Capitangan, Abucay.
Batay sa ulat ni Balanga City Chief of Police, Supt. Byron Allatog kay Bataan Police Director Sr. Supt. Marcelo Dayag, unang naaresto ng kanyang mga operatiba sa follow-up operation ang suspek na nakilalang si Joemar Ibarra y Cruz, 23-anyos, binata at residente sa naturang lugar.
Naaresto si Ibarra matapos umanong mamataang pakalat-kalat sa lugar sa bisa ng warrant of arrest na ipinalabas ng korte sa ka-song kinasangkutan nitong pagpatay.
Inulat naman ni Abucay Municipal Chief of Police Sr. Insp. Jennifer Cruz kay Director Dayag na naaresto ng pinagsanib na puwersa ng Abucay PNP at Bataan Criminal Investigation and Detection Team (CIDT) ang No.7 Most Wanted Person Municipal Level na nakilalang si Geralyn Dela Cruz y Forbes na may kaso umanong 3 counts of estafa sa magkakahiwalay na korte. Naaresto si Dela Cruz sa bisa ng warrant of arrest nang manmanan ng awtoridad at umuwi ito sa kanilang lugar.
Ayon sa isang nagreklamo na tumangging magpakilala, modus umano ng suspek na magrenta ng sasakyan at makaraan nito’y isasangla.
Nagagawa umanong makalusot ng suspek dahil madali nitong napipiyansahan ang mga kasong ki-nasangkutan. ROEL TARAYAO
Comments are closed.