RIZAL – ARESTADO ang dalawang most wanted person sa isang araw na manhunt operations ng pulsiya sa lalawigang ito.
Sa ulat na natanggap ni PCol Felipe B Maraggun, Provincial Director ay kinilala ang mga nahuli na si alyas DJ, 27-anyos at residente ng Brgy. San Isidro Rodriguez at ito ay operasyon ng Rodriguez Municipal Police Station Warrant Team.
Nadakip si DJ kamakalawa ng hapon dakong alas 3:00 sa bisa ng warrant of arrest na inilabas ng Regional Trial Court San Mateo para sa kasong Rape na walang nirerekomendang piyansa.
Samantala, arestado rin si Alyas Justine, 19-anyos at nakatira sa Brgy. San Roque Antipolo, City sa isinagawang operasyon ng mga operatiba ng Antipolo Component City Police Station ka makalawa din ng hapon dakong alas 4:12 dahil sa warrant of arrest na inisyu naman ng Regional Trial Court ng Antipolo para sa kasong Statutory Rape (4 counts) na walang nirerekomendang piyansa.
Ang matagumpay na pagkakaaresto sa mga ito ay nagpapakita ng dedikasyon ng mga tauhan ng Rizal PNP sa kanilang sinumpaang tungkulin.
ELMA MORALES
