MT. PROVINCE – BINIGYAN ng financial aid ang may 26 New People’s Army (NPA) rebels mula sa pamahalaan sa Bontoc ng lalawigang ito noong nakalipas na Linggo.
Sa ilalim ng Enhanced Comprehensive Local Integration Program (ECLIP), tumanggap ng tig-P20K ang mga sumukong rebelde mula sa programang Sustainable Livelihood ng Department of Social Welfare and Development (DSWD) at National Task Force to End Local Communist Armed Conflict (NTFELCAC).
Layon ng financial aid na ibinigay sa mga rebel returnee ay upang makatulong sa pagpasok sa sinasabing entrepreneurial world kung saan pinangunahan nina DSWD Undersecretary Rene Glenn Paje, MT. Province Governor Bonifacio Lacwasan, at Brig. Gen. Henry Doyaeon ng 503rd Infantry Brigade ng Phil. Army ang pamamahagi nito.
Sa pahayag ni Cordillera Police Director Brig. Gen. Rwin Pagkalinawan, simula noong Enero ay umaabot na sa 100 communist guerillas, part- time re-bels, sympathizers at supporters ang inabandona ang underground rebel movement sa Cordillera dahil na rin sa patuloy na operation ng pulisya at militar.
Base sa tala ng pulisya, umabot lamang sa 69 NPA rebels ang sumuko noong 2018 habang 72 rebelde naman ang sumuko noong 2019 kung saan mas tumataas ang bilang ng rebel returnees ngayong taon. MHAR BASCO
Related posts:
REBEL RETURNEES BINIGYAN NG TULONG PINANSIYAL
P2.5 M CASH AID IPINAMAHAGI NG DILG SA 51 REBEL RETURNEES
10 REBEL RETURNEES TINURUAN NG ORGANIC FARMING
P1.9-M CASH AT LIVELIHOOD ASSISTANCE SA 100 REBEL RETURNEE
REBEL RETURNEE NA NAAYUDAHAN LUMISAN PARA HINDI RESBAKAN
(Lacson pinarangalan din) EX-REBEL SOLDIER AT EDSA HERO CAVALIER AWARDEE SA PMA ALUMNI HOMECOMING 2020
PULIS AT LGU EMPLOYEE PINAGBABARIL NANG MAMAHAGI NG CASH AID
P2.195-M CASH AID PARA SA 439 CDWs NAIPAMAHAGI NA
Comments are closed.