NAVOTAS CITY – ANIM na hinihinalang sangkot sa ilegal na droga kabilang ang tatlong babae ang arestado sa buy bust operation ng mga pulis kahapon ng madaling araw.
Ayon kay Navotas Police Chief Col. Rolando Balasabas, alas-3:30 ng madaling araw nang masakote ng mga pulis si Teofilo Duarte, 26, chef; Ricky Indoman, 29, foreman, kapwa ng Market 3; at Michaela Nieray, 21 ng Bagong Silang St., Brgy. San Jose, matapos makuhanan ng sachet ng shabu sa Brgy. NBBN, Market 3.
Dakong alas-4:00 ng madaling araw nang masakote rin ng mga operatiba ng Station Drug Enforcement Unit sa pangunguna ni PLT Eric Roxas sa buy bust operation sina Rosaida Del Mundo, 41, at Cathy Marcos, 26, matapos magbenta ng shabu sa pulis na nagpanggap na buyer kapalit ng P200 marked money sa Market 3, Brgy. NBBN.
Narekober sa mga suspek ang buy bust money at apat na plastic sachet ng hinihinang shabu habang dinakma rin si Rex De Asis, 42, mangingisda matapos makuhanan ng isang sachet ng hinihinalang shabu. EVELYN GARCIA
Comments are closed.