LA UNION–TATLONG katao ang nasawi kabilang ang tinuturong suspek sa naganap na pamamaril kamakalawa ng gabi sa Purok 2, Brgy. Tayac, Rosario sa lalawigang ito.
Kinilala ang dalawang biktima na mag-ama na sina Modesto Oropilla, 60- anyos na kapatid ng suspek at Mary Grace Oropilla-Parayno, 36 taong gulang na pamangkin ng suspek, isang Barangay Health Worker.
Kapwa dineklarang dead-on-arrival sa Rosario District Hospital ang mag-ama habang dead on the spot ang 35-anyos na suspek na si Filomeno Oropilla. Sugatan naman ang bayaw ng suspek na si Eduardo Siguin, 58 taong gulang na pawang magkakapitbahay sa nasabing lugar.
Sa ulat kay Rosario Police Station Chief Maj Garry Anthony Casem, matinding alitan sa lupa ang sanhi ng pamamaril na kung saan habang umiinom ang suspek ay bigla itong naglabas ng baril at pinaputukan ang mag-ama na nagluluto.
Tinangkang tumakas ng suspek sa mga humahabol na pulis subalit nakipagbarilan ito na naging sanhi ng daglian nitong kamatayan. VERLIN RUIZ
Related posts:
(‘Casualty’ sa kabi-kabilang pamamaril) POLICE DIRECTOR NG NEGROS ORIENTAL SINIBAK
KAGAWAD TUMBA SA PAMAMARIL
2 PATAY SA PAMAMARIL
VICE MAYOR, POLICE ESCORT AT 1 PA NADALE SA AMBUSH
NEGOSYANTE NADALE SA PAMAMARIL
MAGUINDANAO MAYOR ITINUMBA SA MAYNILA
BARIL, BALA, NAKUHA NG PNP GATTARAN SA TUMAKAS NA SUSPEK
TSERMAN, 3 PA NAHULIHAN NG BARIL AT BALA
Comments are closed.