(3 rehiyon na lang ang apektado) ASF CASES BUMABABA NA

PABABA na ang mga kaso ng African swine fever (ASF) sa bansa, subalit magtatagal ang hog virus tulad ng COVID-19 pandemic, ayon kay Agriculture Secretary William Dar.

Sa Senate budget hearing, sinabi ni Dar na ang ASF ay nasa tatlong rehiyon na lamang mula sa , 12 rehiyon na tinamaan sa kasagsagan ng outbreak noong 2020.

Aniya, pagdating sa mga lalawigan, dati ay 50 ang apektado ngunit ngayon ay lima na lang.

“Dati-rati, nasa 624 cities, municipalities. As of this day, 20 municipalities or cities. In terms of barangay, dati nasa 3,283 barangays. Ngayon nasa 83 barangays na lang,”  dagdag pa nuya.

“So nakikita natin ang pagbaba at sana maki-cooperate ang mga traders at ang karamihan, ang mga hog raisers na backyard, ngayon na nataas na ang indemnification. May kusang-loob na ire-report na nila pero meron pa ring mga hindi nagre-report,” sabi pa ng kalihim.

Sa kabila ng pagbaba, sinabi ni Dar na ang problema sa ASF ay inaasahang magtatagal tulad ng COVID-19.

“Mayron pa po [na kaso] kasi halos lingering ‘yan kagaya ng COVID. Nand’yan kung hindi natin i-observe ang health and quarantine protocol against ASF nandiyan pa palagi.”

Related posts:

(Sinimulan nang ipamahagi ng DA-PCIC Region 2) BAYAD-PINSALA SA ASF-AFFECTED HOG RAISERS (Sa Ilocos region) ASF ‘UNDER CONTROL’ (Displaced hog raisers aayudahan ng DA) 6 NA BAYAN SA BATANGAS ASF-FREE NA 69 KASO NG ASF NAITALA SA 29 BAYAN (Ipinamahagi ng DA) AYUDA SA ASF-AFFECTED HOG RAISERS (Kahit bumaba na ang kaso ng ASF) SUPPLY NG BABOY KULANG PA RIN (P1.697-B na ang naipalabas ng DA) BAYAD-PINSALA SA ASF-HIT HOG RAISERS (Mula sa 3k noong 2019) ASF-HIT BARANGAYS 60 NA LANG