NAVOTAS CITY – ARESTADO ang tatlong hinihinalang sangkot sa ilegal na droga kabilang ang isang lola at isang menor de edad sa isinagawang buy bust operation ng mga pulis kahapon ng madaling araw.
Sa nakalap na impormasyon kay Navotas Police Chief P/Col. Rolando Balasabas, dakong alas-2:30 ng madaling araw nang ikasa ng mga operatiba ng Station Drug Enforcement Unit (SDEU) sa pangunguna ni PLT Eric Roxas ang buy bust operation kontra kay Michael Demesa, 41, listed pusher, sa Blk 21 Phase 2 Area 1, Brgy. NBBS sa koordinasyon sa PDEA.
Kaagad sinunggaban ng mga operatiba si Demesa matapos nitong iabot ang isang sachet ng shabu kay Pat. Henry Quinagon na poseur-buyer kapalit ng P300 marked money.
Nang kapkapan, nakumpiska kay Demesa ang buy bust money at isa pang plastic sachet ng hinihinalang shabu.
Nasakote rin ang kasama ng suspek na 13-anyos na binatilyo at nakuha sa kanya ang isang sachet ng hinihinalang shabu habang arestado rin si Pascuala Paraiso alyas “Bebe”, 60, labandera, na sinasabing umiskor ng droga kay Demesa matapos makuhanan ng isang sachet ng hinihinalang shabu. EVELYN GARCIA
Comments are closed.