BULACAN – KALABOSO ang apat katao na kapwa wanted sa iba’t ibang kaso makaraang madakip sa manhunt operation ng pulisya.
Sa report na tinanggap ni PNP Regional Director PBGen. Joel Napoleon Coronel, kinilala ang mga nadakip na sina Mark Joseph delos Reyes, 27-anyos, ng Brgy. Sta. Cruz II, na wanted sa anim na kaso ng rape at si Jay-ar Casue, 33-anyos, ng Brgy. Narra na sangkot sa kasong grave oral defamation.
Nadakip din sa pamamagitan ng warrant of arrest ang dalawa pang wanted sa batas na sina Janet Villojan y Mercurio, 45, tubong Sto. Domingo, Albay na sangkot sa kasong qualified theft.
Habang arestado rin si Corazon Gimena, 73-anyos, ng Brgy, Lolomboy sa bayan ng Bocaue, sa kasong unjust vexation, kung saan walang piyansang inerekomenda ang korte para sa kanyang kalayaan. THONY ARCENAL
Comments are closed.