LABING-ISANG tripulante at 42 pasahero ang nailigtas ng mga kagawad ng Philippine Navy habang nagpapalutang-lutang lulan ng isang lantsa sa karagatang sakop ng Tawi-Tawi.
Sa ulat ng Philippine Navy, nirespondehan ng Naval Task Group Tawi-Tawi sa ilalim ng Joint Task Force Tawi-Tawi ng Western Mindanao Command ang distress call hinggil sa 53 crew at pasahero ng isang Motor Launch (M/L) boat kamakalawa.
Ayon sa PN, matapos na makatanggap ng distres call ay agad na nagsagawa ng rescue operation ang isang Multi-Purpose Attack Craft (MPAC) ng Navy.
Ang motor launch boat ay nakarehistro bilang M/L YASDA II.
Bago ang rescue operation ay inatasan ng Commander Naval Task Group Tawi-Tawi ang isang PN vessel na magsagawa maritime patrol operations at magkaloob ng tulong / rescue operations sa M/L YASDA II.
Napag-alaman na nasira ang engine transmission ng lantsa habang patungo sana ng Taganak Island, Tawi-Tawi kaya nagpalutang-lutang na lamang ito sa bisinidad ng South East ng Bongao, Tawi-Tawi. VERLIN RUIZ
Related posts:
WEAPON UPGRADES SA 3 NAVY WARSHIP
2 BARKO NG NAVY TUMUNGO SA OMAN AT INDIA PARA KUNIN ANG MGA DONASYONG PPEs
(1 pa barko ng Navy nasa China para kumuha ng kagamitan) 20,000 PPEs GALING CHINA DUMATING NA
(Para kunin ang med supplies at stranded Filipino) 2 BARKO NG NAVY NASA INDIA NA
BARKO NG NAVY MULA CHINA NASA DAVAO CITY NA
4 WARSHIPS NG PHL NAVY PINAGRETIRO NA
PHIL. NAVY NAGDIWANG NG 123RD ANNIVERSARY SA GITNA NG PANDEMIYA
LIBOLIBONG SCHOOL DESK AT SUPPLIES INIHATID NG NAVY SA TAWI-TAWI
Comments are closed.