VALENZUELA CITY – ARESTADO ang pitong hinihinalang drug personalities kabilang ang isang dalagita na kasama sa target ng iki-nasang buy bust operation ng mga pulis kahapon ng madaling araw.
Ayon kay Valenzuela Police Chief Sr. Supt. David Nicolas Poklay, alas-12:10 ng madaling araw nang ikasa ng mga operatiba ng Station Drug En-forcement Unit (SDEU) sa pangunguna ni PCI Jowilouie Bilaro ang buy bust operation kontra sa 17-anyos na dalagita sa 6008 Tatalon St., Brgy. Ugong sa koordinasyon sa PDEA.
Matapos iabot ng dalagita kasama si Ernesto Rodriguez, 49, listed sa drug watchlist, ang isang sachet ng shabu kay PO1 John Kenneth Terrenal na nagpanggap na buyer kapalit ng P200 marked money agad lumapit ang back-up na sina PO3 Gabby Migano at PO2 Alvin Olpindo saka inaresto ang mga suspek.
Narekober sa dalagita ang isang coin purse na naglalaman ng apat na plastic sachets ng hinihinalang shabu at P800 bill habang nakuha naman kay Rodriguez ang buy-bust money.
Habang naaresto rin nina PO2 Reynaldo Dan Blanco, PO2 Francis Curesma at PO1 Dario Dehita si Ruben Martin Jr., 42, listed sa drug watchlist, Flarifo Maranan, 23, Rex Calamdag, 26, Christian Delos Santos, 35, at Christian Paulo Arbatin, 28, matapos maaktuhang sumisinghot ng shabu sa loob ng bahay na ginagawa umanong drug den. VICK TANES
Comments are closed.