ARESTADO ang walong hinihinalang drug personalities kabilang ang dalawang ginang sa isinagawang buy bust operation ng pulisya sa magkahiwalay na barangay sa Valenzuela City.
Ayon kay Valenzuela Police Chief P/ Col. David Nicolas Poklay, alas-4:30 ng madaling araw nang ikasa ng mga operatiba ng Station Drug Enforcement Unit (SDEU) sa pangunguna ni P/Cpt. Segundino Bulan Jr. sa ilalim ng pangangasiwa ni P/Maj. Jowilouie Bilaro ang buy bust operation kontra kay Romeo Valdemos alyas “Boboy”, 34, sa Anak Dalita St., Marulas sa koordinasyon sa PDEA.
Nang iabot ni Valdemos kasama si Gregorio Loma, 52, (listed drug watch list) ang isang sachet ng shabu kay PCpt Fernando Laciste na nagpanggap na buyer kapalit ng P300 marked money agad lumapit ang back-up na si PCpl Dumaquita at inaresto ang mga suspek.
Narekober sa mga suspek ang dalawang plastic sachets ng hinihinalang shabu, buy bust money at P800 bill habang dinakip naman nina PCpl Mario Martin III at PSSgt Wilbert Ugali si Marilou Vicente, 40, Janet Mariano, 50, Arnel Gamez, 42 at Esmeraldo Ocenar, 42, matapos makuhanan ng apat na plastic sachets ng hinihinalang shabu.
Samantala, timbog din si Reynaldo Amo, 40, at Richard Amo, 29, matapos magbenta ng isang sachet ng shabu na nagkakahalaga sa P200 kay Pat. Nino Fuentes na nagpanggap na buyer sa ikinasang buy bust operation ng mga operatiba ng SDEU sa kanilang bahay sa Blk 15 Lot 53 Compd. 3, Sitio Kabatuhan, Gen. T. De Leon dakong alas-12:05 ng hatinggabi.
Ayon kay SDEU investigators PO3 Julius Congson, narekober sa mga suspek ang dalawang plastic sachets ng hinihinalang shabu at buy bust money. EVELYN GARCIA
Comments are closed.