9 TIKLO SA BUY BUST SA VALENZUELA

NASAKOTE ang siyam na hinihinalang drug perso­nalities sa isinagawang magkahiwalay na drug buy-bust operation ng mga pulis sa Valenzuela City.

Ayon kay Valenzuela Police Chief Col. Carlito Gaces, alas-12:10 ng madaling araw nang ikasa ng mga operatiba ng SDEU team 4 sa pangu­nguna ni PCPT Segundino Bulan Jr. at PEMS Noel Barnedo ang buy bust operation sa Blk 17 Lot 2 Comp. 3, Sitio Kabatuhan, Brgy. Gen T. De Leon sa koordinasyon sa PDEA na nagresulta sa pagkakaaresto kina John Mark Arcinas, 29, John Christopher Angulo, 30, Broxin James Dinglasa, 23, at Luis James Enaje, 20, pawang nasa PNP watchlist.

Base kay PCpl Christopher Quiao, nakumpiska sa mga suspek ang P300 buy bust money at 0.70 gramo ng shabu na nasa P4,760 street value ang halaga.

Bandang alas-7:40 naman ng gabi nang masakote rin ng mga operatiba ng SDEU sa buy-bust operation sa P. Deato St., Marulas si Montano Gagante Jr., 40, drug watchlist at sa kanya ang P200 buy bust money at .2 gramo ng shabu na nasa P1,300 ang halaga.

Nadamba rin ng mga ope­ratiba ng SDEU sa pangunguna ni PSSg Rolando Magno sa buy-bust operation sa Compd. 2, Sitio Cabatuhan, Gen T. De Leon bandang alas-11:30 ng gabi sina Rolando Arzala, 47, truck driver, Jericho Pelenio, 38, field officer, at alyas Jay, 19, pawang watchlisted.

Nabatid kay PSMS Fortunato Candido, narekober sa mga suspek ang P500 buy bust money, P200 bill at 0.5 gramo ng shabu na nasa P3,400 ang halaga.

Nadakip din ng mga ope­ratiba ng SDEU team 3 sa pangunguna ni PCPT Bulan Jr. sa buy-bust operation sa Sitio Cabatuhan Compd. Gen T. De Leon alas-9:20 ng gabi si Josie Amaro alyas “Nanay”, 55, at nakumpiska sa kanya ang P300 buy bust money at 2.5 gramo ng shabu na nasa P18,000 ang halaga. EVELYN GARCIA