PATULOY pa rin ang magmatic at hydrovolcanic activity sa Bulkang Taal.
Sa inilabas na abiso ng Philippine Insitute of Volcanology and Seismology (Phivolcs) bandang 5:00 ng hapon ng Miyerkoles ay may taas na 700 metro ang ibinubugang abo ng bulkan.
Ayon sa Phivolcs, nagkaroon ng fissures o bitak sa bayan ng Lemery, Batangas partikular sa bahagi ng Sinisian, Bilibinwang; Talisay sa Poblacion 1, Poblacion 2, Poblacion 3, Poblacion 5; Mahabang Dahilig, Dayapan, Palanas, Sangalang, Poblacion, Mataas na Bayan; Agoncillo sa Pansipit, at San Nicolas partikular sa Poblacion.
Mayroon din ilang fissures sa Sambal Ibaba sa Lemery.
Natuyot na rin ang bahagi ng Pansipit River.
Bandang 1:00 ng hapon ay umabot na sa 520 volcanic earthquakes ang naitala sa lugar.
Sa nasabing bilang, 169 ang naramdaman na nasa Intensity 1 hanggang 5.
Simula madaling-araw ng Miyerkoles hanggang 4:00 ng hapon ay mayroon pang 53 volcanic earthquakes kung saan 12 ang naramdaman sa lugar.
Mananatili pa rin sa Alert Level 4 ang Bulkang Taal at asahan pa rin ang hazardous explosive eruption sa mga susunod na oras o araw.
Related posts:
MAHIHINANG PAGBUGA NG ABO NAITALA SA BULKANG TAAL
(Alay sa mga biktima ng pagsabog ng Bulkang Taal) SECOND COLLECTION SA SIMBAHAN
(Sa mga lugar na apektado ng pagputok ng Bulkang Taal) PRICE FREEZE SA GAMOT, FACE MASKS
TULONG MUNA BAGO IMBESTIGA
P30K CASH AID PARA SA APEKTADO NG PAGSABOG NG BULKAN
BULKANG TAAL MULING BUMUGA NG MAKAPAL NA ABO
(Sa Taal locked-down areas —DOE) POWER, OIL SUPPLY PUPUTULIN
KAHANDAAN NG GOBYERNO SA KALAMIDAD PAG-AARALAN
Comments are closed.