ALDEN GUSTONG MAGPADIREK KAY JOHN LLOYD

KUNG itutuloy nga raw ni John Lloyd Cruz ang pagdidirek, nais ni Alden Richards na idirek siya ng iniidolong aktor.

Nagpakitang-gilas na si Lloydie sa pagdidirek nang hawakan niya ng music video ng ‘Saturnine Nevermore’ ng Sugar Hiccup.

Ani Alden, “It would be an honor to be directed by your idol. John Lloyd Cruz is my hero pagda­ting sa acting. He inspired me to be a good actor. Eventually, pagpasok ko sa showbiz, we became friends.”

Kinukonsidera ng Kapuso actor na mentor niya si John Lloyd. Tawag nga raw niya rito ay kuya.

BEA ALONZO PATULOY SA RECOVERY NG PUSO

 ISA sa pinakaaaba­ngan na maglalakad sa red carpet ay ang tatlong controversial ng Kapa­milya artists — Bea Alonzo, Julia Barretto at Gerald Anderson.

Bago pa man sumapit ang ABS-CBN Ball 2019 ay vocal nang sinasabi ni Julia na hindi siya sure kung makakapunta.

Si Bea naman kapag tinatanong ay walang sagot na nakukuha.

Um-attend ang tatlong controversial celebrities at nakitang parehong walang escort ang dalawang actress.

Si Gerald na duma­ting ay kasama ang mga kapwa actors niya sa proyektong kanyang ginagawa.

Sabi nga ni Bea habang naglalakad sa red carpet, “Ngayon lang ako nag-lakad ulit mag-isa.”

Dugtong pa niya, “I just realized, after ten years, parang almost ten years, ngayon lang ako naglakad ulit mag-isa, and it’s actually empowering, it’s liberating and I’m enjoying it.”

Hindi rin naiwasan kumustahin kay Bea ang kanyang puso.

“I’m recovering, I’m getting better,” pahayag pa niya.

Si Bea ang wagi bilang Best Dressed sa nasabing okasyon.

Unprofessional daw

ERICH GONZALES NAPARUSAHAN KAYA WALA SA ABS-CBN BALL

HINDI rin dumalo sa ABS-CBN Ball 2019 ang isa pang actress na si Erich Gonzales.

Ang dahilan ng dalaga, nagpabunot siya ng wisdom tooth. Hanggang noong araw ng ball  ay namamaga pa rin ang kanyang mukha at panay ang kirot ng pinagbunutang ngipin.

Ayon sa bashers, nagpapalusot lang daw ang Kapamilya actress tulad nang pagpapalusot na ginawa niya sa teleserye nila dapat nina Xian Lim at Kim Chiu.

Ang iba namang netizens ay nanghihinayang dahil isa pa naman daw sana si Erich na mahusay magdala ng mga gown.

‘Sayang isa ka sana sa mga best dressed ng ball.’

“She’s the one I’m really looking forward to see at the red carpet. I’m no fan of local showbiz but I adore her face so much. She’s so pretty in the simplest way.”

How true ang nasagap naming tsika na may sanction daw ang aktres mula sa management ng Kapamilya Network dahil sa unprofessionalism daw nito – ang backout isyu — at may penalty rin daw siya.