ALDEN RICHARDS DINALUHAN ANG WEDDING NINA JOYCE CHING AT KEVIN ALIMON

NAGKAROON ng two-day break si Alden Richards last weekend kaya nakapahinga siya at nag-reflect as he celebrates her 9th year in showbiz last December 10.  Umakyat kasi siya ng Baguio City last December 7 para mag-attend ng garden wedding ni Joyce Ching with boyfriend Kevin Alimon.

Unang pinuntahan ni Alden ang isang batong crucifix sa Olda Diplomat Hotel at nag-post siya sa kanyang Instagram wall ng “When my heart is overwhelmed, lead me to the rock that is higher than I: Psalm 61:2”  Nagpasalamat si Alden sa lahat ng mga sumusuporta sa kanya at dugtong niya: “Road to 10, let’s go!”

KASAL NINA SARAH AT MATTEO INAABANGAN NA NG FANS

NAKATUTUWA naman ang mga fans nina Sarah Geronimo at Matteo Guidicelli or ang AshMatt love team. Engaged pa lamang ngayon ang mga idolo nila, pero excited na sila sa pagpapakasal ng dalawa.  Iyong iba naman natutuwa na para raw nagri-rehearse na ang dalawa kapag nagpakasal na sila.

Paano nga magkasunod na nag-attend ng wedding sina Sarah at Matteo this month.  Naunang ikinasal ang pinsan ni Sarah at pareho silang ka-bilang sa entourage ng wedding. Kaya kasama nila ang family ni Sarah na kitang-kita naman na tanggap nila si Matteo.

Sumunod ay ang pagpapakasal ng nakababatang kapatid na babae ni Matteo, si Georgia.  Kasama ng pamilya ni Matteo ni Sarah na lumipad ng Cebu para sa wedding.  Bridesmaid si Sarah ni Georgia.

After the wedding, sa wedding pictorial, kasama na si Sarah sa family picture ng ikinasal, with the parents of Matteo at his younger brother.

At papayag ba ang mga guests sa reception na hindi magparinig ng kanta sina Matteo at Sarah?  Sa wedding video, kitang-kita kung gaano na kapalagay ang loob ni Sarah na masa­yang kasama ang family ni Matteo.  Kailan nga kaya magpapakasl sina Sarah at Matteo sa 2020?

 SMOKEY MANALOTO PASOK SA SERYE  NI ALDEN

MARAMING na-curious nang mag-post ang “The Gift”  na special guest na papasok sa kanilang inspirational drama series si Smokey Manaloto, simula kagabi, Thursday at baka raw mahaba ang guesting niya.  Wala na raw ba si Smokey sa ABS-CBN kaya mag-aapir na sa GMA Network?  Gagampanan ni Smokey ang role ni Bradley, isang lalaking may koneksiyon sa psychic na si Helga, played by Sophie Albert.  Ang tanong kung kakampi ba ni Sep (Alden Richards) si Bradley, or isang kaaway?

Matagal nang actor si Smokey at kilala nga siyang Kapamilya, pero minsan ang mga tulad ni Smokey ay pwede nang mag-guest sa ibang network, or per project contract na lamang sila.  Kaya iyong ibang netizens, request nilang sana raw ay mag-guest din si Smokey sa isa pang serye sa GMA, ang “One of the Baes” na naroon din ang dating Kapamilya actor na si Roderick Paulate, para raw lalong masaya.

Ang “The Gift” ay napapanood gabi-gabi after “Beautiful Justice” at susundan naman ito ng “One of the Baes.”