ALDUB NATION NAGDIWANG SA PAG-RESCUE NI ALDEN KAY MAINE

ANG saya ng Boom segment ng “Eat Bulaga” last Friday, June 21.  Ang Boom No. 2, TAO, ang mga kikilalanin nila ay kung sino ang dog trainers.

Sina Maine Mendoza as Boomerang at Ryzza Mae Dizon as Boom Ma­dam ang financiers.  Pero kailangan ni Maine na samahan ang contestant na magtatanong sa dog trainers, pero may isang aso na hinabol si Maine, kaya napatakbo ito, biglang labas si Alden Richards na mukhang kumakain, to the rescue ni Maine na takot pala sa aso.

Siya na ang nag-interview sa dog trainers na nagpapakita ng dog tricks ng mga alaga nila.  Hindi na umalis si Alden at nag-stay na kasama sina Maine at Ryzza.  Kaya ang saya-saya ng AlDub nation na nasa audience sa APT Studio.

HEART EVANGELISTA AYAW NANG MARAMING INIINOM NA GAMOT

MAGANDA ang kuwento ni Heart Evangelista kung paano siya nakuhang brand ambassador ng premium oral glutathione supplement na Thiocell.

“Ayaw ko nang maraming iniinom na supplements, kaya nang minsang malaman ko sa ilang friends ang tungkol sa Thiocell, early 2018, nag-try na akong gamitin ito,” kuwento ni Heart.  “Ang maganda, takot ako sa injection at ayaw ko nga ng maraming iniinom na gamot, kaya  tamang-tama sa akin ito, in grape-flavored lozenge form kaya parang candy, puwede mong tunawin sa mouth mo or chew it.  Siniguro ko rin tested na ito ng mga doctors, bago ko ginamit.  Trusted company ang Brady Pharma, Inc. na gumagawa nito.”

Kaya namn si Director and COO of Brady Pharma na si T.K. Rameash, si Heart daw lamang ang first and last choice nila para mag-endorse ng kanilang product na complete body supplement.

“Dahil sa dami ng work ko, tamang-tama sa akin ang Thiocell, dagdag pa ni Heart. “I’m busy taping for “StarStruck 7” at every other two weeks umuuwi ako sa Sorsogon, dahil si Chiz, my husband, is the new Governor of Sorsogon.  Okey naman sa kanya kung hindi ako mag-stay nang matagal doon dahil narito naman sa Manila ang work ko at kasama ko ang dalawa naming anak.”

Paano na ang pagbubuntis ni Heart kung she’s very busy now?

“Medyo nagka-trauma ako nang hindi nagtuloy ang pagbubuntis ko noon.  Siguro, hindi pa right time, sa akin, kung hindi pa Niya ipagkaka-loob ngayon, siguro sa susunod na pagkakataon.  Pinag-usapan na namin iyon ni Chiz, we are both busy, anyway naman, we have our two children now.

“Hindi rin muna ako tumanggap ng bagong te­leserye sa GMA Network, dahil para na ring serye itong “StarStruck 7” which I am enjoying, dahil sa mga hopefuls na ini-interview namin nina Ms. Cherie Gil at Jose Manalo.  May da­lawa rin akong movies na ginagawa na promise, ang hirap talaga ng mga eksena at malalaman ninyong totoo ang sinasabi ko, kapag napanood ninyo ang movie.”

Ayaw pang magbigay ng detalye si Heart tungkol sa shooting ng movie, and another one na action ang tema, na ginagawa niya sa China.

Sa mga gustong ma-avail ang Thiocell, available ito sa lahat ng outlets ng Watsons at Mercury Drug.  Pwede rin mag-order online through Lazada and Beauty MNL.  Sinabi naman ni Mr. Rameash na a bottle of Thiocell costs you Php 2,800 for a month’s supply.