APAT katao kabilang ang dalawang babae at isang alyas Kulugo ang naaresto ng mga awtoridad sa magkahiwalay na buy bust operation sa Caloocan City.
Ayon kay Caloocan Police Station Drug Enforcement Unit head PCI Rengie Deimos, alas-11:30 ng gabi nang ikasa ng SDEU at PCP-7 sa pangunguna ni PSI Geraldson Rivera ang buy-bust operation kontra sa umano’y tulak ng droga na si Michael Jabonita, 40, sa Barmat Bukid, Rubyville, Brgy. 160.
Nagawang makabili ni PO1 Victorino na nagpanggap na buyer ng isang plastic sachet ng shabu kay Jabonita kapalit ng P200 marked money at nang magkaabutan na agad sumugod ang back-up na mga operatiba saka inaresto ang suspek.
Narekober sa suspek ang isa pang plastic sachet ng hinihinalang shabu at buy bust money habang inaresto rin ang dalawang umanong drug user na si Rizza Beato, 30, at Lisa Beltran, 56, matapos maaktuhan ng mga operatiba na bumibili umano ng shabu kay Jabonita.
Nakumpiska kay Beltran ang isang plastic sachet ng hinihinalang shabu habang dalawang plastic sachets naman ng pinaniniwalaang shabu ang nakuha kay Beato.
Dakong ala-1 naman ng madaling araw nang masakote rin ng mga operatiba ng SDEU kasama ang mga tauhan ng PCP-1 sa pangunguna ni PCI Bernabe Irinco sa ikinasang buy bust operation sa Adelfa St. Brgy. 132, Bagong Barrio ang drug pusher na kabilang sa drug watchlist na si Richard Villanueva alyas “Kulugo”, 41. EVELYN GARCIA
Comments are closed.