BEA-ALDEN TANDEM PLANTSADO NA

SIGURADONG maninibago ang mga regular viewers ng The World Between Us dahil simula noong Lunes (August 30) ang Legal Wives na ang napanood pagkatapos ng 24 Oras. Panandalian itong mawawala sa ere na pinagbibidahan nina Alden Richards at Jasmine Curtis dahil sa ipinatutupad na Modified Enhanced Community Quarantine (MECQ). Hindi pinayagan ang produksyon na mag-taping bilang pag-iingat sa mas nakakahawang Delta at Lambda variants. Since magkakaroon ng season break ang The World Between Us, mas mapaghahandaan ng produksyon ang pagbabalik lock-in taping ng serye kapag pinayagan na uli ito.

May bulung-bulu­ngang papasok dito ang isang sikat na aktres na ikagugulat ng fans. Babaguhin raw ang script para lamang sa nasabing aktres, at pasabog talaga ang magiging role niya. Matunog ang sitsit na si Bea Alonzo ang tinutukoy na big star na madaragdag sa cast. Sabagay, magandang exposure kung makikita ang chemistry nila sa screen para once sinimulan nila ang Philippine adaptation ng Japanase series na Pure Soul, ang seryeng pinagbasehan ng South Korean movie na A moment To Remember, ay makakapag-create sila ng connection at rapport sa isa’t isa.

BAGONG SINEMULA ONLINE NA

Nakabitin pa rin sa bingit ng alanganin ang ating movie industry. Wala pa kasing napagkakasunduan ang Executive Committee ng Metro Manila Film Festival kung itutuloy ito sa dara­ting na Kapaskuhan.

May mga plano na ang FDCP na pwedeng ipatupad once bumalik na sa normal ang lahat. Pursigido rin silang gawin sa mga sinehan ang 5th Pista ng Pelikulang Pilipino, at inaayos nila ito sa IATF. Naniniwala si FDCP Chairperson Liza Diño-Seguerra na malaki ang future ng ating movie industry. In fact, naihihilera na nga tayo sa ibang bansa. Ang gustong mangyari ni chair Liza ay ma-penetrate ng mga pelikula natin ang market sa ibang bansa kagaya ng mga Korean films.

“Yun ang challenge sa atin ngayon. Paano tayo makagawa ng pelikulang hindi lang sa Pilipinas panonoorin commercially, pero sa ibang bansa din,” ani Liza. “Kasi, yung art house, naku, cover na natin ‘yan. Talagang we’re in every important film festival in the world. We’re now beyond novelty. Ngayon, we have projects na may international collaboration.”

Ginawang vaccination site ang ibang mga sinehan sa mall sa nga­yon, at ang iba naman ay nagsara na nang tuluyan. Ang FDCP ang nangu­ngunang ahensya sa pagdiriwang ng Philippine Film Industry. May tema ito ngayong “Bagong SineMula!” Gaganapin ito online. Ang screenings naman ay eksklusibong idaraos sa FDCP Channel virtual platform (fdcpchannel.ph) mula Setyembre 1 sa Facebook pages at YouTube.

KIM CHIU TATANGGALIN NA SA IT’S SHOWTIME

Umalma ang ilang supporters ng Kapa­milya actress na si Kim Chiu dahil hindi raw siya gaanong nabibigyan ng exposure sa Showtime’s latest episodes. Malungkot din si Kim at hindi na nakikipagkulitan sa ibang co-hosts. May nangyari raw ba kaya ganoon  ang aktres? Observation pa ng ibang netizens, pati yung ibang hosts ay hindi siya binibigyan ng chance na magsalita. I beg to dis­agree with you guys, dahil araw araw ay nakatutok din ako sa It’s Showtime at feel na feel ko ang presence dun ni Kim. In fact, minsan nga ay mas malaki pa ang exposure ni Kim kay Vhong Navarro na isa sa mga re­gular host ng It’s Showtime.

Maging sa Twitter ay pinag-uusapang baka tatanggalin na si Kim sa nasabing noontime show. Ewan lang, dahil  klik naman sila ni Vice Ganda. Matatandaang si Kim ang pumalit sa pwestong iniwan ni Anne Curtis. Ngayong matatapos na ang leave ni Anne, manatili kaya si Kim sa It’s Showtime? Malay nyo, kunin siya ng management na regular host.

Related posts:

BEA ALONZO AT ALDEN RICHARDS NAISPATAN SA THAILAND AIRPORT ALDEN RICHARDS, BEA ALONZO MAY SHOOTING NA SA UNA NILANG MOVIE BEA ALONZO TECHNICALLY SINGLE NA NAMAN BEA ALONZO AYAW NANG KUMAIN NG KARNE KYLIE PADILLA HANDA NANG MAGBALIK-SHOWBIZ ALDEN RICHARDS NATUPAD ANG ROLE NA GUSTONG GAWIN ALDEN RICHARDS MULING GINAMPANAN ANG BUHAY NI DR. JOSE RIZAL ALDEN RICHARDS PINANGUNAHAN ANG CELEBRATION NG 120TH INDEPENDENCE DAY