BEA ALONZO AT ALDEN RICHARDS NAISPATAN SA THAILAND AIRPORT

NAISPATAN ang Kapamilya actress na si Bea Alonzo at Kapuso actor na si Alden Richards sa Thailand Airport.

Tuwang-tuwa ang mga Filipinong nakakakilala sa dalawang famous celebrities ng bansa.

May project umanong pagsasamahan sina Bea at Alden.

Isang netizen ang nag-upload ng larawan sa kanyang Facebook account ng dalawang big stars na parehong naka-face mask.

Say ng may Facebook page na si Jeniffer Patagnan: “My gosh, Bea Alonzo and Alden Richards at Suvarnabhumi Airport [in] Thailand. Na-starstruck lang jud ko (Na-starstruck talaga ako).”

Panay naman ang pagpapaunlak nina Bea at Alden ng mga gustong magpakuha ng picture na kasama sila.

Ayon sa mga nakaaa­lam ng gagawin nina Bea at Alden, may endorsement shoot daw sila.

Marami ang nanghinayang nang malaman na endorsement ang pagsasamahan ng actor at actress. Ang mas gusto raw sana nila ay isang movie dahil bagay naman daw silang dalawa.

Si Alden daw ay tuwang-tuwa dahil idol daw niya si Bea noon pa lalong-lalo na ang team Bea at John Lloyd Cruz.

Sana raw pagkatapos ng commercial ay pelikula naman ang gawin ng dalawang celebrity.

“Parehas silang mabait at soft spoken. Pwede sila ah in fairness. Mahilig si Alden sa totoong maganda.”

ANAK NG PBA CAGER ANG MISS MANDALUYONG 2020

YEARLY ang beauty pageant para sa Miss Mandaluyong.

Bawat barangay ng Mandaluyong ay may representative sa patimpalak ng kagandahan. Kama­kailan lamang ay muli na namang nakahanap ng panibagong Miss Mandaluyong.

Swak ang pagkakapili sa winner na si Veronica Michaela Meneses.

Napag-alaman namin na si Rona (pet name niya) ay anak ng sikat na dating PBA cager years ago na si Vergel Meneses na ngayon ay isa nang mayor sa Bulacan, Bulacan.

Sa aming panayam kay Rona, say niya: “First ko pong sumali sa beauty pageant. Tapos eto nanalo pa. Nakakataba po ng puso.”

Dugtong pa ng Miss Mandaluyong 2020, “First time rin pong nanalo ang aming lugar na Daang Bakal. Kaya so proud po ako at nabigyan ko sila ng karangalan.”

Sa taas at ganda ay hindi pahuhuli ang dalaga.

Tapos din siya ng pag-aaral sa Poveda College.

Papasukin ba niya ang pag-aartista ngayong inagaw na rin siya ng sining.

Aniya, “hindi ko po alam. Pero kung may lalapit po, siguro grab ko na rin ang opportunity.”

Tinanong din namin siya kung nanood ba ang ama niyang si Mayor Vergel.

“Hindi po e. Kinakabahan daw po. Kaya nasa bahay lang siya. Pero very supportive naman po siya sa akin.”

Ang kanyang ina lang daw ang kasama niya nu’ng coronation night.

Crush ni Rona sa showbiz ay si James Reid.

Ang runners-up ni Miss Mandaluyong 2020 ay sina Malka Shaver, 1st runner-up ng Bgy. Harapin ang Bukas; 2nd Angelie Aubrey, Bgy. Buayang Bato; 3rd Patrisha Kamille Gutierrez, Bgy. Hulo at 4th Iman Franchesca ng Bgy. Plainview.