BENEPISYO SA MEDICAL INTERNS

PINAALALAHANAN ni ­Quezon City Rep. Alfred ­Vargas ang mga medical institutions na dapat bigyan ng karampa-tang proteksiyon  at benepisyo ang mga medical intern na katuwang ngayon sa paglaban sa COVID-19.

Ayon kay Vargas na siyang may akda  ng Intern’s Rights and Welfare Act of 2019, kahit na maituturing na trainee pa lamang ay mahalaga na mabigyan din ng proteksiyon  ang mga medical intern sa pamamagitan ng pagkakaloob  ng kompensasyon at pagtiyak sa kanilang kaligtasan at kapakanan sa buong period ng kanilang internship.

Itinutulak ng mambabatas na ma­bigyan ang mga medical intern  ng nararapat na working hours, gayundin ang pagbibigay ng allowances para sa pagkain at iba pang gastusin.

Inoobliga rin niya ang mga medical institution na akuin ang responsibilidad sa mga trainee  tulad ng pagbibigay ng medical, dental, at mental health benefits at pagkakaroon ng access sa basic services sa lugar na pinagtatrabahuan.

Sa panahon ng krisis, hiniling din ng kongresista na mabigyan ng insurance coverage ang mga intern.

Nabatid  na sa Philippine General Hospital (PGH), higit 100 medical interns ang boluntaryong tumutulong ngayon sa mga med-ical staff at sa mga pasyente ng ospital.

Tiniyak naman ng PGH na maibibigay sa mga intern ang mga kinakailangang benepisyo habang katu-wang ang mga ito sa mga kasong may kinalaman sa CO­VID-19. CONDE BATAC