BETONG SUMAYA PINAHIRAPAN ANG SARILI SA KANYANG CONCERT

VERY successful ang katatapos na first major concert ni Kapuso actor-comedian Betong Sumaya, ang “Try Ko Lang Ha? Betong’s Amazing Concert” sa Music Museum last Thurday evening, November 21.  ‘Literal’ na pinahirapan ni Betong ang sarili niya na birthday celebration ni­ya.

Bakit ‘pinahirapan’ ni Betong ang sarili niya? Mula kasi sa opening hanggang closing ng show, walang number na hindi siya kasama, mapasayaw o kanta man plus comedy skit pa, kahit tumagal ang concert ng more than three hours na hindi siya iniwan ng audience.

Opening pa lamang, dance number na, then kumanta siya mala-Regine Velasquez ng sunod-sunod na OPM songs na may birit pa.  Si Alden Richards ang first sa kanyang special guests, sing and dance sila.  Magkasama sila ni Alden ngayon sa inspirational drama nilang “The Gift,” sinuportahan din sila ng mga kasama nila, nanood din sina Jean Garcia, Christian Vasquez, Tetay, Ysabel Ortega at si Direk LA Madridejos.

Sinuportahan din si Betong ng mga co-stars niya sa gag show na “Bubble Gang” at may sexy dance number sina Valeen Montenegro, Lovely Abella at Chariz Solomon na sinamahan din ni Betong.  Pinalakpakan nang husto ang pagpasok ni Betong na naka-Antonietta na character niya sa “Bubble Gang,” kasama si Michael V na naka-costume na kamukha ni Antonietta at ang pangalan ay si Amponietta.

Hindi rin binigo ni Kapuso Primetime King Dingdong Dantes si Betong, kasama sina Arthur Solinap, Carlo Gonzales, Chuckie Dreyfus at Maey Bautista, mga kasama ni Betong sa “Survivor Philippines “ na siya ang nag-champion.

Ilan pa sa mga guests ni Betong sina Aicelle Santos-Zambrano, Maricris Garcia, Anthony Rosaldo, Miguel Tanfelix.

May nag-propose ng marriage na isang taga-GMA, si Oswald, sa girlfriend nitong si Sheena, sa gitna ng show. Present din ang mga executives ng GMA Entertainment TV at GMA News & Public Affairs na halos maiyak sa tuwa dahil sa tinanggap niyang suporta mula sa fans at mga kasama sa trabaho.  Kaya sulit naman ang ‘pagpapahirap’ ni Betong sa sarili.

Congratulations, Betong!

ZIA DANTES NAG-CELEBRATE NG 4TH BIRTHDAY

KAHAPON, November 23, ang real 4th birthdate ng panganay nina Dingdong Dantes at Marian Rivera na si Maria Letizia.  Pero noong November 19, nag-celebrate na siya nito with her classmates sa school na ang theme ay Unicorn.  Siyempre pa, ang punong-abala sa birthday celebration ay ang Mama niyang si Marian na nag-post sa kanyang Instagram ng, “Mama is so happy when I see you happy.  This genuine smile of yours is priceless! Love you Ate Zia!”

Umani ng mara­ming likes and comments ang post na iyon ni Marian.  Wait na lamang natin kung saan nag-celebrate ng birthday niya si Zia, kasama ang parents niya at ang bunso nilang si Ziggy.

JOHN LLOYD CRUZ HINIHINTAY NG FANS NA MAGBALIK-SHOWBIZ

NAKATUTUWA naman ang fans nina John Lloyd Cruz at Bea Alonzo,ipinost nila sa kanilang Instagram na @johnlloydcruztm ang picture ni JLC at anak niyang si Elias Modesto.

Noong mag-one year old si Elias, binigyan siya ng grand birthday celebration nina JLC at Ellen Adarna.  Sa posted photo kitang-kita na kung gaano kaguwapo si Elias.

Marami ngayong nagwi-wish na since nakikita na muli si JLC sa social media, sana raw ang kasunod na nito, pagbabalik sa showbiz ng kanilang idolo.  Miss na miss na raw nilang mapanood muli sa movies at TV si John Lloyd Cruz.