BIR TAX COLLECTIONS PINAIGTING

MAS pi­nag-ibayong pagkolekta ng buwis ang tema ng Bureau of Internal Revenue (BIR) sa pag-arangkada ng ‘tax campaign’ nito para mapataas ang tax collections sa gitna ng COVID-19 pandemic na nagpabagsak sa ekonomiya ng bansa.

Inatasan ni BIR Commissioner Caesar ‘Blly’ Dulay ang mga key revenue official na kumbinsihin ang mga negosyante at taxpaying public na tugunan ang pangangailangan sa buwis at tumupad sa kanilang tax obligations para maiahon at muling mapalakas ang kalakalan at negosyo  sa bansa.

Mahigit sa 120,000 business firms sa bansa ang tumigil sa operasyon dahil sa lockdown sa pananalasa ng pandemic at tinataya na mahigit P10 bilyon ang hindi nakolekta sanhi ng idinulot na pinsala ng health crisis.

Gayunman, sa kabila nito, ang BIR ay nakakolekta ng P1.956 trillion sa  noong 2020 fiscal year, bahagyang mas mababa kung ikukumpara sa 2019 tax collections na umaabot sa P2.186 trilyon.

Kamakailan ay inilunsad nina Finance Secretary Carlos ‘Sonny’ Dominguez III at Commissioner Dulay ang tax campaign ng  BIR at nanawagan si Pangulong Rodrigo Duterte sa taxpaying public na tumupad sa kanilang yearly tax obligations, hindi lamang para makuha ang  tax collection goal, kundi para maiahon ang bansa mula sa epekto ng COVID-19 pandemic.

Inatasan ni Commissioner Dulay sina revenue frontliners Metro Manila Regional Directors Maridur Rosario, Jethro Sabariaga, Gerry Dumayas, Albin Galanza,  Romulo Aguila, Jr. at Glen Geraldino na mas paigtingin ang kampanya sa pangongolekta  ng buwis upang makapangalap ng karagdagang taxes ang Kawanihan.

Ang BIR ay naatasang kumolekta ng P2.914 trillion sa taong 2021 at kabuuang P3.287 trilyon naman sa taong 2022.

“Out of the P1.9 trillion collection, and if you compare it with the 2019 figures which showed a decline of  10 percent beacause of the 2020 lockdown, it still commensurates with the colection of the BIR. And if you compare the tax types, collected tax types from 2019, or on a year-on-year collection, there is a negative 10.53 percent or a total of P230.13 billion,” paliwanag ng mga regional director.

Ayon sa 2020 BIR data,  ang ahensiya ay nakakolekta ng P1.045 trillion sa Income Taxes Returns (ITR), P351.44 billlion sa Value Added Tax (VAT), P317.27 billion sa Excise Tax (ET), P117.16 sa Percentage Tax (PT) at P145.73 billion naman mula sa iba pang uri ng buwis.

Noong nakaraang taxable year 2019, ang BIR ay nakakolekta ng mga sumusunod:  P1.155 trillion sa ITR, P406.08 billion sa VAT, P317.27 bilyon sa ET, P118.70 bilyon sa PT at P143.43 bilyon naman sa iba pang uri ng buwis.

vvv

Para sa komento o opinion, mag-text lamang po sa  09266481092 o mag- email sa [email protected].

Related posts:

BIR MAKATI, MANILA TOP PERFORMERS SA TAX COLLECTIONS BIR PASIG TOPNOTCHER SA TAX COLLECTIONS P200-M TAX SA POGO FIRMS NAKOLEKTA NG BIR BIR-BOC TAX COLLECTION DRIVE VS COVID-19 BIR TAX STRATEGY ROADMAP BIR GINOYO NG POGOs SA P50-B TAX? TAX ACADEMY COURSES MANDATORY FOR HIRING, PROMOTION OF EMPLOYEES IN BIR, BOC, BLGF STARTING 2021 TAX COLLECTION GOAL NAHIGITAN NG BIR, BOC