NILINAW kahapon ni Department of Trade and Industry (DTI) Secretary Ramon Lopez na hindi sakop ng suggested retail price (SRP) ang mga branded na tinapay kaya maaaring magpatupad ng price hike ang mga manufacturer nito.
Ginawa ni Lopez ang pahayag bunsod ng reklamo ng ilang consumers laban sa nakatakdang pagsirit ng presyo ng mga branded na tinapay.
Aniya, ang pagtaas ng presyo ng mga branded na tinapay ay talagang nakaiskedyul na makaraang hindi ito matuloy noong mga nakaraang buwan.
“‘Yung tinapay, nag-request sila ng increase. Actually ‘yung mga brand ng tinapay na ‘yon, mag-i-increase daw sila P1 to P2. Ito ‘yung mga brand na tingin namin medyo mahal. Hindi ito covered ng SRP namin. Ang talagang covered ng SRP natin ‘yung pangkaraniwang tasty—ang tatak ay Pinoy Tasty,” ani Lopez.
Paliwanag pa niya, ang mga mamahaling tinapay ay nakaprograma nang tumaas ang presyo matapos ang dalawa hang-gang tatlong buwan kasunod ng price hike sa mga sangkap na ginagamit dito tulad ng harina at asukal.
Related posts:
SUPORTA SA BORACAY MSMEs
DTI PINAIGTING ANG PRICE MONITORING SA SUPERMARKETS
DTI PINANGUNAHAN ANG PAGLAHOK NG PILIPINAS SA JAPAN IT WEEK
PINOY FOOD IBIBIDA SA CALGARY
DTI MAS PINAIGTING ANG KAMPANYA SA PAGPAPALAKAS NG SEKTOR NG MSMEs
KUMAKAIN SA RESTO DUMAMI
DTI PATULOY NA BINABANTAYAN ANG PRESYO NG MGA PANGUNAHING BILIHIN
LIVELIHOOD KITS SA MARAWI FOLK
Comments are closed.