IBINIDA ni Camarines Norte Governor Edgar Tallado na nananatiling ligtas sa coronavirus disease (COVID-19) ang kaniyang nasasakupang probinsiya.
Sa panayam sa gobernador, sinabi nitong inagapan niya na makapasok sa lalawigan ang naturang sakit.
Makaraang ianunsyo aniya ni Pangulong Rodrigo Duterte noong Marso 12 ang community quarantine sa Metro Manila ay awtomatiko niyang ipinag-utos ang maghigpit sa mga lagusan at pantalan.
Kaniya ring ipinatupad ang no face mask, no entry gayundin ang thermal scanner.
Dinagdagan aniya niya ang paghihigpit nang isailalim ng Pangulo sa enhanced community quarantine ang buong Luzon noong Marso 16.
Samantala, patapos na rin aniya ngayong linggio ang kanilang pamamahagi ng cash aid sa anyo ng Social Amelioration Program.
Tatalima rin aniya sila sa kautusan ng Pangulo na gugulin ang kanilang budget sa pangangailangan para pigilan ang pagpasok ng COVID-19 sa kanila gaya ng pagbili ng face masks at alcohol kahit walang kaso ng naturang sakit sa kanila. PILIPINO MIRROR REPORTORIAL TEAM
Related posts:
OFW NA INA NI FABEL PINEDA ISINAILALIM SA SWAB TEST SAKA INESKORTAN PAUWI
5 BARANGAY SA ANTIPOLO CITY NAKA-LOCKDOWN
4-BUWANG SANGGOL POSITIBO SA COVID-19
CONTRACT TRACING SA NEW 49 CASES SA BAGUIO NATUNTON SA LOOB NG 24 ORAS
(Ibinaba sa general community quarantine) ISTRIKTONG MOVEMENT SA CEBU CITY BINAWASAN
1,139 COVID-19 PATIENTS NAKAREKOBER SA RIZAL
(7 araw na lockdown idineklara) ILAGAN MAYOR POSITIBO SA COVID-19
(5 pulis,1 staff at 1 preso nagka-COVID-19) CALAPAN CITY POLICE NAKA-LOCKDOWN
Comments are closed.