NAGPATUPAD na ng ban ang Department of Agriculture (DA) sa importasyon ng mga produktong manok na nagmumula sa US.
Dahil ito sa naitalang kaso ng Avian Influenza o bird flu sa naturang bansa.
Sa memorandum na nilagdaan ni Agriculture Secretary William Dar, ang importasyon ng domestic at wild na ibon kasama ang karne nito, day-old na sisiw, itlog mula sa Missouri, South Dakota, North Dakota, Minnesota at Iowa ay hindi muna pinapayagan.
Nabatid na batay sa ulat ng World Organization for Animal Health OIE, ilang kaso ng Athogenic Avian Influenza o HPAI-H5N1 ang naitala sa nasabing bansa.
Nauna nang na-detect ang bird flu sa Pilipinas noong Enero 6 sa Barangay Barangka sa Baliuag, Bulacan.
Sunod itong naitala sa Bataan, Camarines Sur, Laguna, Nueva Ecija, Tarlac, Pampanga, Sultan Kudarat at Benguet.
Sa ngayon, aabot na sa P25 milyon ang inilaan ng gobyerno para sa mga may-ari ng sakahang apektado ng bird flu sa bansa. DWIZ 882
Related posts:
(Pinag-aaralan ng DA) SRP SA KARNE NG MANOK
BIRD FLU OUTBREAK SA 5 PANG LALAWIGAN
BIRD FLU OUTBREAK ENERO PA NAGSIMULA
(Dahil sa tag-init, election period) PRESYO NG MANOK SUMIRIT
(Tiniyak ng UBRA) SUPLAY NG MANOK SAPAT
PAGHAWA NG BIRD FLU SA TAO ‘VERY RARE’
(Naitala sa Luzon, Mindanao) BAGONG KASO NG BIRD FLU
(Kinumpirma ng UBRA)SHORTAGE SA SUPLAY NG MANOK