DAHIL SA TESDA, NAGKATOTOO ANG PANGARAP NG ISANG INA PARA SA PAMILYA

BAGAMA’T hindi  niya natapos ang kanyang pag-aaral sa kolehiyo dahil maaga siyang nagkapamilya, nakamit naman nito ang kanyang  pangarap na magkaroon ng sariling negosyo sa tulong ng Technical Education and Skills Development Education (TESDA) program.

“Happily married” si Emily E. Micabani sa kanyang asawang si Noel, may tatlo silang anak at naninirahan sa Mansasa District , Tagbilaran City.  Sa kabila nito, hirap sila pagda­ting sa pinansyal dahil ang  inaasahan lamang nila ay ang  kinikita ng kanyang asawa bilang tricycle driver at pagsa-sideline bilang  flower arranger sa mga wedding events. Duda siya  na mabibigyan nila ng magandang kinabukasan ang kanilang mga anak dahil  kulang pa ito para sa pagkain at panggastos ng pamilya.

Nang siyam na taon na  ang kanyang ­panganay,  pumasok ng trabaho si Emily  sa isang maliit na boutique bilang beader o tagalagay ng mga beads sa  mga gowns at  finishing touches.  Tatlong taon siyang nagtrabaho dito.  Sa kagustuhan na pahusayin pa ang kanyang kakayahan, kumita ng mas malaki para sa  pamilya, at patunayan sa sarili na marami pa siyang matutunan sa kanyang  ginagawa, nagdesisyon si Emily na mag-aral  tungkol sa basic  pattern making at pananahi ng iba’t damit.

Naghanap siya ng school na may libreng training tungkol sa dressmaking  at sa pamamagitan  ng pagbaba-browse sa social me-dia, nalaman  nito na ang TESDA  Vll ay nag-aalok ng Dressmaking NC ll,  sa  Tubigon, Bohol noong 2016.

Sobrang pasasalamat ni Emily sa kanyang trainer dahil  itinuro  sa kanya ang lahat ng skills at techniques sa paggawa ng damit.  Matapos ang training, lumakas ang kanyang  tiwala sa sarili  na tumanggap ng mga orders at bumili ng sewing machine.  Ang pan-garap nitong magkaroon ng sariling boutique at ang pamilya  ang nagbigay-inspiras­yon para magpursige na  palawakin pa ang  kasanayan nito at  harapin ang mga pagsubok nang itayo nito  ang maliit na negosyo.

Hanggang sa makatanggap ito ng tawag sa telepono at kinukuha siya para magdisenyo at magtahi ng damit para sa buong wed-ding entourage.  Ito’y naging daan upang makilala si Emily sa kanyang kakayahan at talento sa pananahi, pagdisenyo, pagtabas ng iba’t ibang kasuotan  sa kanilang lugar  at ma­ging sa mga kalapit na lugar.  “Because of TESDA, my dream become  a reality. Now, I already have my own dress shop registered as EEMS Creation & Style, located at Mansasa District, Tagbilaran City.”

Ang kanyang shop ay nagtatahi ng mga kasuotan  ng iba’t ibang  events tulad ng kasal, birthdays at marami pang iba.  Bilang tulong sa komunidad, nakapag-employ siya ng anim na mananahi,  at dalawang office personnel.  Malaki ang kanyang pasasalamat sa PTC Tubigon, at  bilang pagtanaw ng utang na loob sa  kanyang Alma Mater, tumatanggap  siya ng mga on-the-job training sa Dressmaking NC ll trainees.

Payo nito  para sa mga walang kakayahan na magtapos ng kolehiyo, “ technical vocational and training ay malaking help samahan ng dedikasyon at pagtitiyaga.”