TAGUIG CITY – NAGPAKAMATAY ang isang 34 taon-gulang na lalaki sa pamamagitan ng pagtalon mula sa isang 49 palapag ng kanyang tinitirhan na condominium-building sa Bonifacio Global City kamakalawa ng gabi matapos na hindi nito matanggap ang pagkamatay ng kanyang kaibigan.
Agad namang isinugod sa ospital si Karlhenz Roca na naninirahan sa no. 27 A Tower 1 Trion Building Mc Kinley Parkway BGC subalit wala na itong buhay sanhi ng pagkabasag ng bungo at matinding pinsalang tinamo sa iba’t ibang parte ng katawan nito.
Base sa isinumiteng report kay Senior Supt. Alexander Santos, hepe ng Taguig City Police dakong 11:50 ng gabi nang maganap ang insidente sa condominium-building ng biktima na matatagpuan sa 8th Avenue corner Mc Kinley Parkway BGC, Taguig City.
Ayon sa pulisya isang security guard na nakilalang si Jomiel Panahon ang kasalukuyan nagroronda sa nasabing gusali nang makita nito ang duguang biktima.
Agad namang ipinagbigay alam sa mga awtoridad ang insidente at isinugod ang biktima sa nasabing pagamutan.
Ayon kay Santos posibleng nagpatiwakal ang biktima dahil sa hindi nito matanggap ang pagkamatay ng kaibigan nito kamakailan. MARIVIC FERNANDEZ
Related posts:
(Drug maker, healthcare professionals at advocates nagsanib) SUICIDE AT MENTAL ILLNESS AGAPAN!
TALO SA ARGUMENTO KAY MISIS, MISTER NAGBIGTI
MISTER NA DEPRESSED NAGPAKAMATAY
LALAKI TUMALON SA LRT-1 BALINTAWAK STN
23-ANYOS NA BEBOT NAGBIGTI
ESTUDYANTENG TUMALON SA GUSALI NASAWI
RETIRADONG TESDA DIRECTOR NAG-SUICIDE
INDO SUICIDE BOMBER, 2 PANG TERRORISTS NASAKOTE
Comments are closed.