DIDAL TODO PAGHAHANDA SA OLYMPICS

SA KABILA na bagito ay hindi nakitaan ng pangamba si skateboarder Margielyn Didal at determinado itong sungkitin ang ginto sa una niyang pagsabak sa Tokyo Olympic Games sa susunod na buwan.

“Naghanda ako nang husto dahil gusto kong manalo at bigyan muli ng karangalan ang bansa tulad ng ginawa ko sa Asian Games at Southeast Asian Games,” sabi ng 22-anyos na anak ng isang karpintero at sidewalk vendor sa Cebu.

Lalaruin ang skateboard sa Olympics sa unang pagkakataon.

Sinabi ni Didal na gagawin niya ang lahat para mapasakamay ang ginto at maibulsa ang P5 million cash incentives mula sa Philippine Sports Commission (PSC).

Ayon kay Didal, hilig niya talaga ang skateboard at nagtatago siya noon sa kanyang mga magulang dahil ang gusto nila ay magtapos siya ng pag-aaral para magkaroon siya ng magandang kinabukasan.

“Napabayaan ko ang aking pag-aaral dahil sa skateboard. Sa katunayan, nagtatago ako sa aking mga magulang para maglaro ng skateboard,” pagtatapat ni Didal.

“Sana ay magtagumpay si Didal sa Tokyo. Siya ang lone entry natin. Hindi nag-qualify si Kiko Francisco. May tiwala ako na kaya niyang manalo dahil may likas na galing siya sa skateboarding,” sabi ni association president Carl Sambano.

Nagsasanay si Didal sa Cebu sa ilalim ni coach Dani Bautista matapos na makapasa sa qualifying.

Lumahok din siya sa dalawang torneo sa Los Angeles, USA at Melbourne, Australia. CLYDE MARIANO

Related posts:

TOKYO OLYMPICS-BOUND ATHLETES ABROAD BABAKUNAHAN SA HOST COUNTRIES PINOY GOLFERS KAKASA SA TOKYO OLYMPICS PAGUNSAN SA TOKYO OLYMPICS OBIENA, OLYMPIC CHAMP SALO SA GOLD SA GERMANY GOODBYE, OLYMPICS! (Gilas tinambakan ng Dominican Republic) DUTERTE INIMBITAHAN SA TOKYO OLYMPICS YULO IBIBIGAY ANG UNANG GINTO NG PH SA OLYMPICS OLYMPICS MEDAL-WINNING BOXERS PARARANGALAN SA KAMARA