(DILG at PNP handa na)  PILOT IMPLEMENTATION NG GRANULAR LOCKDOWN

NAGHAHANDA na ang Department of the Interior and Local Go­vernment (DILG) at ang Philippine National Police (PNP) para sa nakatakdang pilot implementation ng granular lockdowns at alert level system sa Metro Manila.

Ayon kay DILG Undersecretary Epimaco Densing III, may tatlong area silang binalangkas at natapos na nila ito.

Kailangan na lamang aniya nila itong paaprubahan upang magkaroon na ng kabuuang guidelines.

Sa panig naman ng PNP, sinabi ni PGeneral Guillermo Eleazar na inatasan na niya ang ahensiya na makipag-ugnayan sa  local government units (LGUs) bago sumapit ang Setyembre 16.

Ang mga lugar umano na isasailalim sa granular lockdown ay aabisuhan 24-oras bago ang implementasyon nito, upang mabigyan sila ng pagkakataon na maghanda.

Samantala, tutulong din naman ang national government sa distribus­yon ng ayuda para sa mga residente ngunit wala na umanong ipamamahagi na tulong pinansiyal.

Nabatid naman na isang alert level lang muna ang ipaiiral sa Metro Manila sa panahon ng dalawang linggong pilot implementation ng granu­lar lockdown.

Nilinaw naman ni Densing na ang alert level ay hindi ibabase lamang sa bilang ng  lungsod at sa halip ay ikokonsidera rin ang healthcare utilization rate doon.

“Hindi po limitado sa cases  ang mga pamantayan ng DOH based sa kanilang summary is una iko-consider talaga ang healthcare utilization rate. Kailangan mas mababa sa 70%.  Pagbabasehan din ‘yung pagbaba o pagtaas ng numero ng mga cases at ‘yung ADAR,” dagdag pa ng DILG official. EVELYN GARCIA

Related posts:

DILG SA MGA KANDIDATO SA BRGY POLLS: KALAT MO LINIS MO, DIKIT MO BAKBAK MO P12-B PROJECTS SA 1,373 BAYAN IBIBIGAY NG DILG MABILIS NA PAG-IISYU NG BIZ PERMIT, PINATITIYAK NG DILG SA LGUs DEPED MAKIKIPAGPULONG SA PNP SA DRUG CAMPAIGN SA SCHOOLS PNP NAKAHANDA SA IMBESTIGASYON NG SENADO LOCALIZED PEACE TALKS SUPORTADO NG DILG PAGKANSELA NG KLASE ‘WAG IBALIK SA DEPED PAGLILINIS SA PNP BUBUSISIIN SA SENADO