KASABAY ng paghingi ng paumanhin, nangako si Department of Social Welfare and Development (DSWD) Sec. Erwin Tulfo na mas maayos na ang pamimigay ng educational assistance sa mga mahihirap na mga estudyante sa bansa sa mga darating na Sabado.
Sinabi ni Sec. Tulfo, nag-usap na sila ni Department of the Interior and Local Government (DILG) Sec. Benhur Abalos para roon na lang sa mga lungsod at bayan-bayan ang mga payout.
Ani Sec. Tulfo, “ayaw na po natin na maulit ‘yung nangyari noong Sabado na nagkagulo at maraming hindi nabigyan ng ayuda dahil dumagsa ang tao na galing sa iba’t-ibang lugar.”
Dagdag pa ng kalihim, 48,000 estudyante ang nabigyan ng ayuda noong Sabado na umabot sa halagang P141 milyon.
Ngayong araw, lalagdaan ng dalawang kalihim ang isang Memorandum of Agreement (MOA) para ibaba na sa LGU ang payout ng educational assistance.
Sa naturang kasunduan, ang mga social worker ng DSWD ang mag-iinterbyu sa kliyente habang ang LGU ang magbibigay ng pwesto kung saan ang payout at mga karagdagang na tauhan tulad ng mga cashier, pulis, at mga traffic enforcer at mga tanod.
Ang DSWD worker din ang magtatakda kung magkano ang ibibigay na ayuda sa bawat estudyante.
Muling humihingi ng paumanhin o pasensya si Sec. Tulfo sa aberya at nangakong itatama agad ang pagkakamali.
Related posts:
(Mabagal na pamamahagi ng DSWD sinita ng mga kongresista) 2ND TRANCHE NG SAP WALA PA
(‘Ulysses’ victims uunahin) CASH FOR WORK PROGRAM NG DSWD
DSWD MAGLALAAN NG PONDO SA LGUs NA APEKTADO NG BAGYO
DILG, DSWD, DND (sanib-puwersa sa maayos na distribusyon)
BENEPISYARYO NG SLP NA NAENDORSO NG PCUP SA DSWD, UMABOT SA 220 ACCREDITED UPOs
DSWD, OVP EXEMPTED SA ELECTION SPENDING BAN NG COMELEC
BONG GO REMINDS DSWD TO PROVIDE ASSISTANCE DUE TO BALIK PROBINSYA BAGONG PAG-ASA PROGRAM BENEFICIARIES
BONG GO CALLS FOR MORE SUPPORT AND PROTECTION FOR FILIPINOS IN CRISIS; ASKS FRONTLINE AGENCIES TO PRIORITIZE WELFARE OF THE POOR AND VULNERABLE