GASTUSIN NG OFWs SA CEBU SAGOT NG GOBYERNO

NANGAKO si Presidente Rodrigo Duterte na babalikatin nila ang gastusin sa  hotel accommodation ng mga returning overseas Filipinos sa Cebu.

Aniya, ang pondo ay kukunin sa natitirang pondo ng Bayanihan.

Batay sa kautusan ng Inter-Agency Task Force, ang umuwing OFWs ay kailangang sumailalim sa

10-day quarantine sa Cebu province.

Dahil dito iniutos ng Pangulo na mag-stay sa hotel para sa kuwarantina ang umuwing OFWs at sagot ng pamahalaan.

“It behooves upon the government to pay for the sequestration expenses of the – the every returning Filipinos…so, I am ordering now everbody, including the government units, place them in a hotel, the national government will pay,” utos ng Pangulong Duterte.

Iba naman ang ordinansa ng Cebu local government,   mayroon silang quarantine and testing protocols para sa overseas Filipino workers at iba pang  returning overseas Filipinos na dumaan sa  Mactan-Cebu International Airport.

Sa kanilang pagdating ay agad sila isa-swab at kapag negatibo ay uulitin sa ikapitong araw sa kanilang local destinations na sagot ng  local governments.

Gayunman, iginit ng Pangulo na dapat sumunod ang Cebu sa protocols na itinakda ng IATF.

Una nang sinabi ni Cebu  Governor Gwendolyn Garcia, na ayaw na nilang pagastusin pa ang  returning Filipinos sa pamamalagi sa  quarantine facilities gastos ang sariling pera.

Sa kasalukuyan, ang  OFWs na miyembro ng  Overseas Workers Welfare Administration ang sagot ng pamahalaan sa  accommodation and food habang nasa  quarantine. EVELYN QUIROZ

Related posts:

(Apela ng transport group sa gobyerno) PONDOHAN ANG PUV KASUNDUAN SA RUSSIA SA PROTEKSIYON NG OFWs ISINUSULONG SA KAMARA UMUWING OFW NEGATIBO SA MERS-CoV SCREENING SA MGA OFW PINAHIGPITAN NG BI BALASAHAN SA GOV’T NAMUMURO CBCP OFFICIAL NAGPAALALA SA MGA OFW PAUTANG SA MGA OFW ITINUTULAK SA SENADO ARAW NG MGA OFW IPAGDIWANG