CALOOCAN CITY – NAHULI ng mga pulis ang isang ginang na hinihinalang tulak ng shabu sa buy bust operation.
Kinilala ni Station Drug Enforcement Unit (SDEU) head Sr. Insp. John David Chua ang naarestong suspek na si Geraldina Argel Mabutas alyas “Dina”, 36 ng Sitio Uno St., Brgy. 2.
Ayon sa ulat ng pulisya, dakong alas-3 ng hapon nang ikasa ng pinagsamang mga operatiba ng SDEU at Station Intelligence Branch (SIB) ang buy bust operation kontra sa suspek sa kahabaan ng Samson Road, Brgy. 80.
Agad sinunggaban ng mga operatiba ang suspek nang iabot na ang isang plastic sachet ng shabu sa pulis na poseur-buyer kapalit ng P200 marked money.
Narekober sa suspek ang transparent plastic sachet ng hinihinalang shabu at buy bust money. EVELYN GARCIA
Comments are closed.