QUEZON – HINDI na umabot ng buhay sa pagamutan ang isang ginang matapos itong aksidenteng tumalsik at mahulog sa isang tricycle sa may provincial road Brgy. San Jose bayan ng General Luna, Huwebes ng tanghali.
Kinilala ang biktima na si Luvimin Bueño, 43-anyos at residente ng Brgy.Abuyon, San Narciso, Quezon.
Batay sa report ng pulisya dakong alas-12:00 ng tanghali habang bumibiyahe ang tricycle sa kahabaan ng highway nang aksidenteng tumalsik ang ginang na naka-backride sa tricycle driver na si Junio Pollo.
Basag ang ulo ng biktima ng tumama sa kongkretong kalsada at nagtamo din ng maraming gasgas at sugat sa braso at katawan.
Naunang dinala si Bueño sa Gumaca District Hospital dahil hindi kinaya na mabigyan ito ng kaukulang lunas ay ipi-nalipat ito sa Batangas City General Hospital subalit habang patungo ito sa nasabing ospital ay binawian na ito ng buhay. BONG RIVERA
Comments are closed.