LAGUNA – ARESTADO sa buy bust operation ng PDEA Region 4A, Provincial Drug Enforcement Unit, Siniloan at Tanauan City PNP ang 54-anyos na ginang na negosyante kasunod ang pagkakumpiska sa malaking halaga ng shabu sa Sitio Bagong Bayan, Brgy. Mendiola, bayan ng Siniloan.
Ayon sa ulat ni Laguna PNP Provincial Director PCol. Eleazar Matta kay Calabarzon Regional Director PBGen. Edward Carranza, nakilala ang naarestong suspek na si Rayanah Gamama Delna alyas Baidah/Hadji Rayanah, naninirahan sa nasabing lugar.
Sinasabi sa ulat na napapabilang sa drug watchlist of the Directorate for Intelligence (DI) ang suspek kung saan target umano ng kanyang ilegal na operasyon ang bayan ng Siniloan, Mabitac, Pakil, Famy at Santa Maria, Laguna kabilang ang lungsod ng Tanauan sa Batangas.
Lumilitaw na nagkasa ng buy bust operation ang nabanggit na operatiba sa isang waiting shed malapit sa mismong harapan ng Mosque habang isa sa mga ito ang nagpanggap na buyer gamit ang halagang P1,000.
Bukod sa isang small transparent plastic sachet ng shabu, nakumpiska pa ng pulisya sa suspek ang isang container box na naglalaman ng 6 pang sachets na umaabot sa mahigit na 50 gramo na may street value na aabot sa P130,000 kabilang ang digital weighing scale. DICK GARAY
Related posts:
RE-ELECTED BRGY. CHAIRMAN DINAKIP SA SHABU
4 HULI SA P3.5-M SHABU
KELOT ARESTADO DAHIL SA GRANADA AT SHABU
GINANG NA NAG-VIRAL SA SOCMED TIMBOG SA BUY BUST
P7-M HALAGA NG SHABU NAKUMPISKA SA BUY BUST
TAIWANESE TIMBOG SA BUY BUST, HIGIT P20-M SHABU NAKUMPISKA
14 SACHET NG SHABU NAREKOBER SA 2 DRUG PERSONALITIES
P6-MILLION SHABU NASAMSAM SA DRUG OPS
Comments are closed.