IPINANUKALA ng Department of Trade and Industry (DTI) ang pag-aalis ng import duty sa electric vehicles para mapabilis ang paglipat ng bansa sa e-vehicles.
Ayon kay DTI Secretary Ramon Lopez, ang pag-a-adjust ng taripa sa e-vehicles ay magpapababa sa halaga ng naturang mode of transportation na makahihikayat ng mas maraming tao na gumamit ng e-vehicles kaysa sa mga sasakyang pinatatakbo ng krudo.
“We proposed to adjust the tariff rate from 30 percent to zero in order to populate the market with e-vehicles,” sabi ni Lopez.
Ang e-vehicles na nagmumula sa Asean ay zero-duty na habang ang karamihan sa most favored nations ay nagpapataw ng 30-percent tariff.
Ani Lopez, ang epekto ng polisiyang ito ay maaaring maramdaman simula sa second half ng taon, subalit makatutulong ito sa pagbabawas ng konsumo ng bansa sa langis, na pabago-bago ang presyo.
Dagdag pa ng trade chief, ang e-vehicles ay hindi lamamg makapagpapabawas sa local oil consumption kundi makatutulong din sa pagbabawas ng carbon emission.
Sa pagpapabilis ng paglago ng e-vehicles, sinabi ni Lopez na ganito rin ang dapat gawin sa pagtatayo ng charging stations sa buong bansa. PNA
Related posts:
SUPORTA SA BORACAY MSMEs
DTI PINAIGTING ANG PRICE MONITORING SA SUPERMARKETS
DTI PINANGUNAHAN ANG PAGLAHOK NG PILIPINAS SA JAPAN IT WEEK
HYBRID, E-VEHICLES GAMITIN
PINOY FOOD IBIBIDA SA CALGARY
DTI MAS PINAIGTING ANG KAMPANYA SA PAGPAPALAKAS NG SEKTOR NG MSMEs
KUMAKAIN SA RESTO DUMAMI
DTI PATULOY NA BINABANTAYAN ANG PRESYO NG MGA PANGUNAHING BILIHIN