JANE DE LEON DEDMA SA MGA LAIT

NANG si Jane de Leon ang napi­ling bagong Darna ay kung ano-anong naglabasang  negative against her. Naroong kinukutsa kung sino raw ba si Jane de Leon at ang latest ay pagbabago ng mukha, kulay raw ng balat  ng bagong Darna.

Pero imbes na patulan ay dinedma na lang ni Jane ang mga comment sa kanya dahil wala nga naman maidudulot na maganda kung papatulan pa niya ang mga basher.

Isa pa, kahit na anong nega ang ibato sa bagong Darna ay hindi maitatanggi na tunay na maganda ito at nasa kanya ang katangian na maging Superhero.

Kung tutuusin ay hindi na bago ang pagpaparetoke ng mga artista nga­yon. Ginagawa rin yan ng mga Hollywood stars kaya puwede ring gawin ng local celebrities.

Ang pagkakaiba lang ay kapag nagparetoke ang mga artista natin ay deny to death ang kanilang drama, not like sa ibang bansa na super proud pa sila sa ginawang pagpaparetoke.

Samantala, napabalita ang pagte-text ni Liza Soberano kay Jane para batiin ito na napiling bagong Darna. Nagpahayag  pa ang umatras na Darna na masaya siya sa bagong Darna.

Ayon pa kay Liza, wala raw siyang alam kung sino talaga ang kukuning Darna pero nang makita raw niya ang mukha ni Jane ay naramdaman niya agad sa aura nito ang pagiging superhero.

Tulad din daw ng nakita niya kay Gal Gadot sa trailer ng Wonder Woman, ganu`n  din daw ang kanyang naramdaman kay Jane.

“Sabi ko, “oh my gosh, she`s meant  to be a superhero.” Tapos ‘yung mukha niya, maganda talaga siya as in parang innocent pero may sense of strength,” say pa ni Liza.

JULIA KEBER SA GULO NG FANS TUNGKOL SA KANILA NI GERALD

HABANG nagkakagulo ang fans dahil sa isyu sa kanila ni Gerald Anderson ay parang wala lang kay Julia Barretto dahil sa halip na magpaapekto at gawing problema ang isyu sa kanila ay chill lang si Julia at beach ang iniisip.

Sa  IG post kasi ni Julia, “We`re down to our last few days of shooting Block Z and while it`s been quite busy and hectic again, I`m looking  forward to my next beach trip,” aniya.

At ang maganda pa kay Julia para hindi maapektuhan ng isyu ay disabled pa rin ang comment box ng kanyang IG account kaya walang makapasok na negative comments sa mga fans na galit na galit sa kanila ni Gerald.

Samantala, hinihintay ang gagawing pagdedemanda raw ni Marjorie Barretto sa nagpakalat ng larawan na magkasama sina Julia at Gerald sa birthday party ni Rayver Cruz kamakailan.