JODI STA MARIA AYAW NANG PAG-USAPAN SI JOLO AT DEDMA NA SA MGA MANLILIGAW

TIKOM na talaga ang bibig ni Jodi Sta Maria kapag tinatanong sa kanya si Jolo Revilla na alam ng lahat ay ikinasal na sa beauty queen na si Angelica Alita last December.

Naitanong kasi sa interview ng press kay Jodi kung ano ang naramdaman niya nang ikasal si Jolo. Todo-iwas ito at ayaw na talagang pag-usapan pa ang anak nina Senator Bong Revilla at Lani Mercado.

“Ay, naku, tapos na po ‘yun, huwag na po nating pag-usapan,” sagot ni Jodi sa interview.

Masaya na raw siya sa kanyang estado ng buhay at pagiging single mom.

Inamin din ni Jodi na maraming nanliligaw pero hindi niya ini-entertain dahil mas pokus daw siya ngayon sa pagpo-produce. Katunayan ay siya ang bida at producer ng My Single Lady na mapapanood na simula sa Jan. 22 sa iWant kasama sina Zanjoe Marudo at Ian Veneracion na ididirek ni Carlo Catu.

SOLENN HEUSSAFF IPINAKITA ANG PAG-BREASTFEED SA KANYANG BABY

MATAPOS manganak ng baby girl ni Solenn Heusaff ay nagsimula naman siya ngayon na ipakita sa kanyang followers at fans ang pagiging ina sa kanyang panganay na baby girl.

Sa Instagram post ni Solenn ay kanyang ipinasilip ang pagpapa-breastfeed sa kanilang anak ni Nico Bolzico.

Lantad ang kaliwang bahagi ng dibdib ni Solenn dahil paitaas ang kuha ng larawan habang pinapa-dede niya ang kanyang baby girl, kaya kitang-kita ang kanyang boobs.

Sigurado na may susunod pang “walang paki” post si Solenn at kanyang baby.

GABBY IPINAGTANGGOL ANG ANAK NA SI KC

SA nangyayaring tampuhan ng mag-inang Sharon Cuneta at KC Concepcion ay tila may pahiwatig naman ang tatay ni KC na si Gabby Concepcion.

Sunod-sunod ang post sa Instagram ni Gabby na tila may kinalaman sa tampuhan ng kanyang anak at Megastar.

“Sometimes, the best that you can do is not think, not wonder, not imagine, and, not obsess. Just breathe, and have faith that everything will work out for the best,” say ni Gabby.

“The less you respond to negative people, the more peaceful your life will become,” sunod na post ni Gabby na feeling ng mga fan ay ipinag-tatanggol ng ama ang kanyang anak.

Sa quote naman ni Gabby na, “You`re not being selfish for wanting to be treated well. Remember that,” na inakala naman ng mga fan ay pumanig naman si Gabby kay Sharon.

May mga post pa si Gabby na pakiramdan ng kanilang fan ay may kinalaman pa rin sa tampuhan ng mag-inang Sharon at KC.

Feeling pa ng fan ay mas kinakampihan ni Gabby si KC , since hiwalay na sila ni Sharon at mas may connect ngayon ang actor sa kanyang anak.