JUDY ANN SANTOS BABANGGA KAY ALDEN RICHARDS

LAHAT ng artista ay ayaw makasakit ng kapwa artista, pero wala silang magagawa kung ang TV network na ang may desisyon.

Sure na ayaw kapwa nina Judy Ann Santos at Alden Richards na ma­ging  magkatapat  ang kanilang mga show. Ang The Gift ni Alden ay tatapatan ng Starla ni Juday.

Magkakaalaman  na kung mapapanatili pa rin ang magandang response ng viewers sa The Gift ni Alden sa first week nito kapag nagsi­mula na ang airing ng teleserye ni Juday?

Certified drama queen na si Juday at hindi na mabilang ang kanyang  mga top-rating show sa Kapamilya Network. Matagal siyang nawala sa TV kaya puwedeng masabik ang kanyang fan kaya sure na aabangan ang kanyang  Starla.

Pero hindi rin maitatanggi na si Alden pa rin ang kinababaliwan at tinitilian ng fans at followers kaya sure na hindi siya pababayaan ng mga ito para suportahan ang kanyang show o serye sa Kapuso Network.

Pero dahil comeback  te­leserye ni Juday ang Starla ay siguradong maganda ang serye.

JULIA MONTES PABALIK NA KUNO NG PINAS MULA GERMANY

NA-EXCITE ang mga fan ni Julia Montes sa naging pahayag ni Kuya Boy Abunda sa kanyang Tonight With Boy Abunda na malapit nang umuwi ang actress mula sa Germany.

Nalaman tuloy ng lahat na mali ang naging balita na almost  a month nang nasa bansa ang actress at dito nga raw na­nganak ito.

Kuwento nga ni Kuya Boy na ang latest information natanggap niya ay galing mismo sa best friend ngayon ni Julia na si Mylene Dizon.

Sa interview kasi kay Mylene na lumabas sa isang broadsheet na constant pa rin ang communication nila at humi­hingi pa raw ng payo si Julia sa pagluluto.

“Ang  hu­ling  update  ni Julia ayon kay Mylene ay nagbabakasyon pa rin ito sa Germany kung saan nakabase ang kanyang ama. At ang magandang balita ay malapit na raw umuwi rito sa Filipinas si Julia Montes,” pahayag pa ni Kuya Boy.

Labis na ikinatuwa ng kanyang fans na sabik na siyang ma­kita. Pero hindi rin maiaalis na marami rin ang nalilito dahil noon pa ay may tsika na nandito na nga raw sa Pinas si Julia. May nag-comment tuloy na tila niloloko na raw ni Julia ang mga tao.

Well,  kung totoo nga na nasa Germany pa si Julia at malapit na itong umuwi ng Pinas ay malilinaw na rin nito ang katotohanang ibinabato sa kanya.

Sana lang pagbalik niya ng Pinas ay nandoon pa rin ang init ng pagtanggap  sa kanya ng masa.