NORTH COTABATO – BULAGTA ang 35-anyos na magnanakaw ng kambing habang sugatan naman ang kasabwat nito makaraang ratratin ng mga hindi kilalang kalalakihan sa Barangay Gumaga, bayan ng Libungan, kamakalawa ng umaga.
Kinilala ang napatay na si Laping Barat ng Sinapangan, bayan ng Libungan habang sugatan naman si Lencio Paciones, 60, ng Barangay Gumaga, sa nasabing bayan.
Batay sa police report, bandang alas-10 ng umaga nang bigla na lamang ratratin ang mga biktima sa gitna ng kanilang sakahan.
Agad namatay si Barat habang dinala naman sa ospital si Paciones.
Sa inisyal na pagsisiyasat ng pulisya, bago maganap ang pamamaril ay sinasabing ninakaw umano ng mga biktima ang apat na kambing na kumain sa pananim sa sakahan ng dalawa. MHAR BASCO
Comments are closed.