KC CONCEPCION BINITBIT ANG FRENCH BF SA PALAWAN

IPINOST  ni KC Concepcion ang larawan na magkasama sila ng boyfriend na si Pierre-Emmanuel  Plassart habang nagbabakasyon sila sa Palawan. Nasa San Vicente, Palawan ang lugar na kung saan makikita sa larawan na nakatakip ang buong  mukha ng guy dahil hindi raw ito sanay sa init.

“When the sun is too hot to handle for the Europeans in the group  who are still defrosting from the snow,” say ni KC.

Nag-post din ang boyfriend ni KC at ang sabi, “The #Philippines has some of the best beaches I`ve seen in the world.”

Dahil nasa bansa ang dalawa ay nangangahulugan lang na magkasama sila nu’ng Araw ng mga Puso, kaya masaya ang VD ng dalawa.

Alam ng followers at fans ni KC na may binili itong property sa Palawan at nabanggit nga raw ng actress na pata­tayuan niya ito ng bahay para kapag nasa naturang lugar siya ay may tutuluyan siyang bahay.

Si Pierre na nga kaya ang lalaking pakakasalan ni KC?

LOVI POE BINIGYAN NG MADAMDA­MING B-DAY GREETING NI SEN. GRACE          

ANG ganda ng birthday greeting ni Senadora Grace Poe kay Lovi Poe na pinost mismo ng senadora sa Instagram (IG). Marami ang natuwa sa ginawang pagbati ni Senadora Grace sa kapatid na si Lovi.

“It  took  almost two decades before I met you. I am grateful  to finally know the priceless joy of caring for and loving a sister. Thank you for accepting me. I will always be your proud Ate. Happy birthday, Beautiful @lovipoe,” say ni Senadora Grace.

For sure ay makakara­ting o mababasa ni Lovi ang birthday greetings sa kanya ng kapatid kahit na wala pa siya sa bansa.

Kasalukuyang nasa Los Angeles, California pa rin kasi si Lovi dahil nag-acting workshop siya sa L.A. For sure ay matatagalan pa siya roon bago makabalik ng bansa.

Mabuti na lang wala pa ring project na nakalaan kay Lovi kaya puwede pa siyang mag-extend ng stay sa L.A. Hindi naman siya malulungkot dahil nandoon ang rumored boyfriend nito na si Monty Blencowe, isang British executive producer na naka-based sa L.A.

Marami ang nagtatanong kung paano raw ba nagkakilala sina Lovi at Mr. Blencowe.

Kaya pala okey lang magtagal sa ibang bansa ni Lovi ay happy ito kasama ang British boyfriend.

o0o

UMAKYAT ng ibang level ang pagiging actress ni Erich Gonzales nang i-post niya ang isang short music video na collaboration nila ng rap artist na si Marco Maurer.

Sa ipinost na music video ni Erich sa kanyang Instagram wall, malalaman na siya ang kumanta ng melody ng awitin. Bukod pa na mababasa na siya rin ang nagdirek ng music video.

Nagpasalamat  si Erich  sa caption ng video dahil sa ibinigay na tiwala sa kanya na idirek ang naturang music video.

“Thank you @mauro_maurer and @atipofficial  for the opportunity to be part  of this and for the  trust to direct this music video. Won`t  Let You Go music video  out  now, “ say ni Erich.

Tinawag nga na “Direk” ng teleserye director na si Jojo Saguin si Erich, bilang pagkilala sa magandang outcome ng kanyang TV direction.