KRIS AQUINO KINAYA ANG FIRST DOSE NG INJECTION

NATUWA at nabuhayan ng loob ang mga loyal supporters ng Queen of all Media sa inilabas ni Kris Aquino na health update sa kanyang kalagayan. Excited siyang ipaalam sa lahat na kinaya niya ang unang dose ng kanyang injection. Ibig sabihin, tutuloy siya sa ikalawang dose.

After ng second dose ay maghihintay daw sila ng limang araw para malaman kung maayos na ang kondisyon ng kanyang katawan para maipagpatuloy na gamutan sa ibang bansa. Good news ito para sa maraming nagmamahal kay Kris dahil nanga­ngahulugan lang na tulu­y-tuloy na ang paggaling ng mommy nina Joshua at Bimby.

Naka-schedule ang second dose ni Kris sa March 13. Sana, walang maging aberya. Medyo tumataba na rin si Kris ngayon kaya malaki ang possibility magtuluy-tuloy na ang kanyang treatment.

BABY NI ANGELINE QUINTO EXCITED NA LUMABAS

Laging  masaya nga­yon ang binansagang “Queen of Teleserye Theme Songs” na si Angeline Quinto dahil nalalapit na ang kanyang pagsisilang – sa April.

Panay na raw ang sipa ng kanyang baby boy. Walong buwan na siyang buntis at konting hirap na lang, makikita na niya ang kanyang baby.

“I’m 31 weeks pregnant and counting kicks…came from my doctor today and happy to share with all of you that my baby boy is growing healthy and strong! I can’t wait to meet you anak,” ani singer sa Ins­tagram. Ipinakita niya ang larawan ng kanyang baby bump at video ng paggalaw ng kanyang baby sa kanyang tummy.

PREGGY JESSY CRAVES GREEN MANGOES

MUKHA pinaghahandaan ni Jessy Mendiola ang panibagong journey na susuungin kaya naman heto at panay ang pagpapakita niya ng kaseksihan. Super sexy talaga ang photo niya sa Instagram na naka-two piece. Mapapa-wow ka at tutulo ang laway sa inggit. Siyempre pa, proud hubby si Luis Manzano.

Mukhang sinusulit ni Jessy ang paglalantad sa pinaghirapang kaseksihan dahil aminado naman sila ni Luis na gustung-gusto at handa na silang magkaroon ng anak. Baka nga naglilihi na si Jessy dahil may post si Luis ng siyam na larawan ng hilaw na mangga na may iba’t ibang sawsawan. Siyempre pa, daming naglaway at kinutuban na baka ito na nga ang pinakahihintay nila. Iyon na nga lang, naputol ang kanilang ilusyon sa caption ni Luis na, “Ay sh*tttttttttt.”

Hindi napigilan ng mga kapwa nila artista at mga kaibigan sa industriya na mag-react sa nasabing post ni Luis. Say ni Isabelle Daza, “I hate you.”

Comment naman ni Billy Crawford ay “Damn bro drooling ang cute mo… ay sorry, Kala ko dm  @luckymanzano.”

Wala pang sagot ang mag-asawa kung naglilihi nga si Jessy o hindi.